అత్తలు కోడళ్లు

From tewiki
Jump to navigation Jump to search
అత్తలు కోడళ్లు
(1971 తెలుగు సినిమా)
220px
దర్శకత్వం పి.చంద్రశేఖరరెడ్డి
తారాగణం కృష్ణ,
వాణిశ్రీ
నిర్మాణ సంస్థ నందినీ ఫిల్మ్స్
భాష తెలుగు

అత్తలు కోడళ్లు నందినీ ఫిల్మ్‌స్ బ్యానర్‌పై పి.చంద్రశేఖరరెడ్డి దర్శకత్వంలో 1971లో వెలువడిన తెలుగు సినిమా.

నటీనటులు

సాంకేతికవర్గం

కథ

ముగ్గురు కోడళ్ళూ ముగ్గురు అత్తల మధ్య జరిగిన కథ ఇది. మాధవయ్య రెండవ భార్య సుందరమ్మ గయ్యాళి. స్వార్థపరురాలు. మొదటి భార్య కొడుకు రఘును నాయనమ్మ అన్నపూర్ణమ్మ ప్రేమతో పెంచింది. సుందరమ్మకు రఘు అంటే గిట్టదు. తన కొడుకు చంద్రం, కూతురు రాధలను ప్రేమగా చూస్తూ, అత్తగారిని ఆడిపోస్తూ ఉంటుంది. మాధవయ్య భార్య మాటకు ఎదురు చెప్పలేక చివరకు ఆమె ప్రోత్సాహంతో పట్నానికి వెళ్ళి వ్యాపారం పెట్టాడు. ఇంటి దగ్గర వ్యవసాయం రఘు చూస్తున్నాడు. జానకి రఘు మేనమామ కూతురు. ఆమె రఘును ప్రేమించింది. వారిరువురూ పెళ్ళి చేసుకున్నారు. సుందరమ్మ అన్న తిరుపతయ్య కోర్టుపక్షి. అతను తన కూతురు రత్తాలును చంద్రానికివ్వాలని అనుకున్నాడు. కాని సుందరమ్మ కొడుకు వరహాలు తిరుపతయ్య కన్నుకప్పి రత్తాలుకు తాళికట్టాడు. బస్తీలో సుందరమ్మ ఐశ్వర్య మదంతో నాగరికసమాజ పద్ధతులకు అలవాటుపడింది. చంద్రం చదువు సంధ్యలు లేక చెడిపోయాడు. జమీందారు గిరిబాబుకు రాధను ఇచ్చి పెళ్ళిచేసింది సుందరమ్మ. అయితే గిరిబాబు పచ్చిమోసగాడు. క్లబ్‌లకూ, జూదాలకూ అలవాటు పడ్డాడు. అతడూ, అతని తల్లి తారాబాయి మాటలకు మోసపోయి సుందరమ్మ తన ఆస్తినంతా పోగొట్టుకుంది. చివరకు అసలు బండారం బయట పడటంతో సుందరమ్మకు బుద్ధి వస్తుంది[1].

పాటలు

పాట రచయిత సంగీతం గాయకులు
పాలపిట్ట పాలపిట్ట ఆత్రేయ కె.వి.మహదేవన్ ఎస్.పి.బాలసుబ్రహ్మణ్యం, పి.సుశీల
చీరకు రవికందము ఆత్రేయ కె.వి.మహదేవన్ ఎస్.పి.బాలసుబ్రహ్మణ్యం, పి.సుశీల
ఈ వీణ పలికించు ఆత్రేయ కె.వి.మహదేవన్ పి.సుశీల
అమ్మమ్మో అత్తమ్మో ఆత్రేయ కె.వి.మహదేవన్ ఎస్.పి.బాలసుబ్రహ్మణ్యం, పి.సుశీల
బలే బలే బావయ్య కొసరాజు కె.వి.మహదేవన్ ఎస్.పి.బాలసుబ్రహ్మణ్యం, స్వర్ణలత
చుక్కల్లో చంద్రుడు ఆత్రేయ కె.వి.మహదేవన్ పి.సుశీల

మూలాలు

  1. రెంటాల (23 April 1971). "చిత్ర సమీక్ష: అత్తలూ కోడళ్ళు". ఆంధ్రప్రభ దినపత్రిక. Retrieved 29 July 2020.

బయటిలింకులు