"తెలుగులో సులువుగా టైపు చేసేందుకు, మీ క్రోమ్ బ్రౌజరు లో గూగుల్ లిప్యంతరీకరణ పద్ధతిని వాడవచ్చు."

ఇంగ్లీషు-తెలుగు నిఘంటువు (G)

From tewiki
Jump to navigation Jump to search

నిఘంటువు

  • This dictionary is an improved version over the print version (expanded, errors corrected, new features continually being added) published by Asian Educational Services, New Delhi in 2002.
  • You are welcome to add. BUT PLEASE DO NOT DELETE entries until you are absolutely, positively SURE a mistake has been made.
  • PLEASE do not delete entries or their meanings simply because you personally did not agree with the meaning given there. Thanks

19 Aug 2015.

Part 1: Ga-Gl

నిర్వచనములు ఆసక్తికర చిత్రములు
  • gad, n. చీల;
  • gadfly, n. (1) జోరీగ; పశువులని చికాకు పెట్టే ఈగ; (2) అప్రస్తుత ప్రసంగి; చొప్పదంటు ప్రశ్నలతో చిరాకు పెట్టే వ్యక్తి;
  • gadget, n. సదుపాయమైన పనిముట్టు;
  • gadwall, n. కేకబాతు; అరుపుల బాతు; ఒక రకమైన బాతు;
  • gaffe, n. (గ్యాఫ్) పొరపాటు; అనాలోచిత చర్య;
  • gag, n. వాకట్టు; మాట్లాడడానికి వీలు లేకుండా నోటికి వేసే గుడ్డ కట్టు;
  • gag order, ph. న్యాయస్థానంలో జరిగిన విషయాలు బయట మాట్లాడ కూడదని న్యాయమూర్తి వేసే ఆంక్ష;
  • gage, n. కొలత; see also gauge;
  • gaiety, n. ఉల్లాసము; ఉషారు;
  • gaily, adv. ఉషారుగా;
  • gain, n. లాభం; లబ్ధి; ఫలం; ప్రయోజనం; పెరుగుదల; వృద్ధి; గెలుపు; నఫా;
  • gain, v. i. (1) సాధించు; పొందు; (2) పుంజుకొను;
  • gainsay, v. t. కాదను; తిరస్కరించు; ఖండించు;
  • gainsayer, n. కాదనేవాడు; అడ్డుపెట్టేవాడు; అడ్డుపుల్ల వేసే వ్యక్తి; ఆక్షేపించే ఆసామీ;
  • gait, n. నడక; నడిచే తీరు;
  • gala, n. ఉత్సవం;
  • galaxy, n. గేలక్సీ; క్షీరసాగరం; ఆకాశగంగ; నక్షత్రవీధి; నక్షత్రసముదాయం;
  • gale, n. పెనుగాలి; వడగాలి;
    • fresh -, ph. గాలిదుమారం;
    • moderate -, ph. పెనుగాలి;
    • strong -, ph. ప్రభంజనం; ప్రచండ వాయువు; ప్రచండ పవనం; ఝంఝూమారుతం;
  • galena, n. సౌవ్వీరాంజనం; సీసం యొక్క మూల ఖనిజం; PbS;
Alpinia_officinarum=దుంపరాష్ట్రం
  • galanga, galingale, n. దుంపరాష్ట్రం; అల్లంలా ఉండే ఒక దుంప; [bot.] Alpinia officinarum;
  • gall, n. (1) పిత్తము; పైత్యరసం; (2) కసి; కక్ష; (3) తెగువు;
  • gallbladder, ph. పిత్తాశయం; చేదుకట్టు; పసరు తిత్తి;
  • gall duct, n. పైత్య వాహిక;
Human_gallstones
  • gallstones, n. పిత్తపు బెడ్డలు; పైత్యపు బెడ్డలు; పిత్తాశ్మరి; గోరోజనం; ఇవి రాళ్లుగా మారిన కొలెస్టరాల్ బెడ్డలు;
  • gallery, n.(1) సరంబీ; తాళ్వారం; వారపాక; వసారా; (2) చిత్రశ్రేణి; కక్ష; చిత్రాలయం;
  • gall-nut, n. కరక్కాయ;
  • gallon, n. గేలను; ద్రవ పదార్థాలని కొలిచే కొలత;
  • gallop, n. దౌడు; గుర్రపు పరుగు;
  • gallows, n. s. ఉరికంబం; ఉరిమాను; వధస్తంభం;
  • galvanize, v. t. (1) కళాయివేయు; పూతపూయు; (2) విద్యుచ్ఛక్తి ప్రవహింప చేయు;
  • gambit, n. ఎత్తు; ఎత్తుగడ; చదరంగంలో వేసే ఎత్తు;
  • gambler, n. జూదరి; జూడదగాడు; కితవుడు; అక్షదేవి; అక్షధూర్తుడు;
  • gambling, n. జూదం; ద్యూతం; నెత్తం; దురోదరం;
    • - dispute, ph. అక్షద్యూతికం;
    • - hall, ph. ద్యూత మందిరం;
  • gambols, n. చెంగనాలు; గంతులు; పిల్ల పశువులు వేసే గంతులు;
  • game, n. (1) ఆట; కేళి; క్రీడ; (2) లేడి; దుప్పి, అడవిపంది; మొదలయిన వేట జంతువులు;
  • gamut, n. (1) సప్తస్వరస్థాయిలు; స్వరసప్తకం; సరిగమలు; అన్ని స్వరాలు; (2) సర్వం; అంతా; ఈ కొస నుండి ఆ కొస వరకు;
  • gamete, n. సంయుక్త బీజం; మరొక లింగ బీజంతో సంయోగం చెందడానికి వీలయిన లింగ బీజం;
  • games and sports, ph. (1) ఆటలు, సయ్యాటలు; (2) ఆటలు, క్రీడలు;
  • gander, n. m. మగ బాతు; మగ చక్రవాకం; (rel.) goose;
  • gang, n. గుంపు; ముఠా; పనివారి ముఠా;
  • ganglion, n. గుచ్ఛిక; నాడీసంధి; నాడిముడి;
  • gangrene, n. శరీరం లోని మెత్తని ధాతువులు మృతి పొందుట;
  • gap, n. ఎడం; ఖాళీ; వెలితి; వారడి; సందు; మొర్రి; గండీ; అంతరం; అభ్యంతరం;
    • bounded - , ph. పారాంతరం; అవధ్యాంతరం;
    • bounded gap between primes, ph. ప్రధాన సంఖ్యల మధ్య ఉండే దూరం పారాంతరం అని ఋజువు అయింది; It is proved that
    • generation - , ph. తరాంతరం;
  • gape, v. i. నోరెళ్లబెట్టుకుని చూచు;
  • gaping, adj. వివృత;
  • garage, n. వాహనశాల;
  • garb, n. ఉడుపు; దుస్తులు; వేషం;
  • garbage, n. చెత్త; చెత్త, చెదారం; పెంట; తుక్కు;
  • garbage pile, ph. చెత్త పోగు; పెంట పోగు;
  • garbage can, ph. చెత్త డబ్బా;
  • garbage receptacle, ph. చెత్త కుండీ; చెత్త బుట్ట;
  • garbled, adj. కలగాపులగం అయిన;
Sa-whitegreen-chickpea
  • garbanzo beans, n. pl. శనగలు; పెద్ద శనగలు; same as chickpeas; Bengal gram; [bot.] Cicer arietinum;
  • garden, n. తోట; వనం; ఆరామం; వృక్షవాటిక; ఉద్యానవనం;
  • garden rue, n. సదాపాకు; వంటలలోను, వైద్యం లోను వాడే ఒక మొక్క; [bot.] Ruta graveolens;
  • gardener, n. తోటమాలి; వనమాలి;
  • gargantuan, adj. చాలా పెద్ద;
  • gargle, v. i. పుక్కిలించు; గండూషించు;
  • garland, n. మాల; దండ; పూలచెండు; సుమమాలిక; సరం; తోమాల (తోట + మాల);
  • garlic, n. (1) ఉల్లి; ఉల్లిపాయ; ఉల్లిగడ్డ; అల్లియం; (2) వెల్లుల్లి; చిన్న ఉల్లి; రసోనకం; లశునం; పలాండు; గృంజనం; అరిష్టం; మహాకంద; ఉగ్రగంధం;
  • garments, n. దుస్తులు; ఉడుపులు; వలువలు;
  • garnish, n. తినుభండారాలని అలంకరించడానికి వాడే మరొక తినదగ్గ పదార్థం; ఉదా. కొత్తిమిర, పుదీనా,
  • garrulous, adj. వాగుడు; అతిగా మాట్లాడు;
  • garter belt, n. కచ్చడం;
  • gas, n.(1) వాయువు; (2) అపానవాయువు; (3) పెట్రోలు;
    • cooking -, ph. వంటవాయువు; ఇంధనపు వాయువు;
    • ideal -, ph. ఆదర్శ వాయువు;
    • inert -, ph. జడ వాయువు; విరళ వాయువు; ఆవర్తన పట్టికలో 0 గుంపు మూలకాలయిన He, Ne, Ar, Kr, Xe, Rn జడ వాయువులు;
    • perfect -, ph. ఆదర్శ వాయువు; PV = RT అనే సూత్రాన్ని అతిక్రమించకుండా ప్రవ్ర్తించే వాయువు;
    • poisonous -, ph. విషవాయువు;
    • rare -, ph. విరళ వాయువు; జడ వాయువు; ఆవర్తన పట్టికలో 0 గుంపు మూలకాలయిన He, Ne, Ar, Kr, Xe, Rn వాయువులు;
  • gash, n. గాటు; లోతైన గాయం;
  • gasoline, n. పెట్రోలు;
  • gasp, n. రొప్పు; ఒగర్పు; ఎగశ్వాస;
  • gasp, v. i. రొప్పు; ఒగర్చు;
  • gastric, adj. జఠర; ఉదర;
    • - juice, ph. జఠర రసం; జఠరాగ్ని;
  • gastritis, n. పరిణామ శూల; కడుపు లోపలి పొర వాపు; ఈ వాపు రకరకాల కారణాల వల్ల రావచ్చు;
  • gate, n. ద్వారం; గవను; గవని; గేటు; దిడ్డి; తలవాకిలి;
    • - keeper, ph. ద్వారపాలకుడు; ప్రతీహారి; తలవాకిలి వాడు; సన్నిధానవర్తి; పూజారి; గేటు కాపరి;
    • main -, ph. గవను; గవని;
    • wicket -, ph. దిడ్డి;
  • gateway, n. (1) సింహద్వారం; ముఖద్వారం; (2) రెండు విభిన్నమైన కంప్యూటరు వలయాల మధ్య సంభాషణకి అనుకూలంగా అమర్చబడ్డ మరొక కంప్యూటరు;
  • gather, v. i. (1) గుమికూడు; (2) పుంజుకొను;
  • gather, v. t. (1) పోగుచేయు; సంతరించు; సేకరించు; కూడగట్టుకొను; సంగ్రహించు; (2) దండు;
  • gathering, n. సమావేశం; సమ్మేళనం;
  • gathering of poets, ph. కవి సమ్మేళనం;
  • gauge, n. (గేజ్) కొలమాపకం; కొలమానం; మాపకం;
    • rain -, వర్షమాపకం; వాన ఎంత పడ్డదో కొలిచే సాధనం;
  • gauze, n. (గాజ్) గాజు గుడ్డ; దోమతెర గుడ్డ వంటి గుడ్డ; గాయాల మీద కట్టు కట్టడానికి వాడే ప్రత్యేకమైన గుడ్డ;
  • gay, n. m. మరొక పురుషుని యెడల లైంగికమైన ఆకర్షణ పొందే పురుషుడు; see homosexual;
  • gazebo, n. మండపం; చదరం లేక అష్టభుజి ఆకారంలో ఉంది, పైన కప్పు ఉన్న కట్టడం;
Slender-horned_gazelle_Cincinnati_Zoo
  • gazelle, n. హరిణం; దుప్పి; కణుచు; ఏణ; పెద్ద పెద్ద కళ్లు, ఒంకీలు తిరిగిన నిటారైన కొమ్ములు ఉండే ఒక జాతి లేడి;
  • gear, adj. దంతదారు; పళ్ళ చక్రం; ఉదా. కారులో ఇంజను నుండి బండికి శక్తిని అందించే యంత్రాంగంలో ఉండే పళ్ళ చక్రం;
  • gear wheel, ph. దంతదారు చక్రం;
  • gedanken, n. [Ger.] స్పురణ ప్రయోగం;
  • gel, adj. అర్ధఘన; జల్లి;
  • gel, v. i. గడ్డకట్టు; పేరుకొను; కరడు కట్టు; ముద్దకట్టు; ఘనీభవించు; తుట్టెకట్టు;
  • gel, n. అర్ధఘనం; జల్లి; a colloid in which the suspended particles assume a systematic pattern; see also sol;
  • gelatin, n. జాంతవం; రంగు, రుచి లేని జంతు సంబంధమైన జిగార్థం; తిక్తరసం;
  • gelling agent, ph. జల్లీకరణ కారకం;
  • gem, n. (1) రత్నం; మణి; మాణిక్యం; (2) విలువైనది;
Gemini_constellation_map
  • Geminorum, n. పునర్వసు నక్షత్రం; పునర్వసు నక్షత్రాల గుంపు; ఇందులో ఆల్ఫా జెమినోరం ని Castor అంటారు;
  • geminate, n. ద్విత్వాక్షరం; ద్విత్వం;
  • geminated, adj. ద్విరుక్త;
  • gemination, n. ద్విరుక్తం; ఒక హల్లుని రెండు మాత్రల కాలం పలకడం; ఉదాహరణకి baggage బేగ్‍ గేజ్‍ అని పలకం, బేగేజ్‍ అంటాం. కాని cattail ని కేట్‍ టైల్ అని ట శబ్దాన్ని రెండు సార్లు పలుకుతాం;
  • Gemini, n. మిథునరాశి; ౙంట;
  • gender, n. వాచకం; లింగం;
    • feminine -, ph. మహతీ వాచకం; స్త్రీలింగం;
    • masculine -, ph. మహద్వాచకం; పుంలింగం;
    • neuter -, ph. అమహద్వాచకం; నపుంసక లింగం;
    • non human -, ph. అమనుష్య వాచకం;
  • gene, n. జన్యువు; జీను; వారసవాహికలలో ఒక భాగం; వంశపారంపర్యంగా సంక్రమించే లక్షణాలని నిర్ణయించే అంశం;
    • dominant -, ph. బహిర్గత జన్యువు;
    • recessive -, ph. అంతర్గత జన్యువు;
  • genealogist, n. అన్వయజ్ఞుడు;
  • genealogy, n. ప్రవర; అన్వయం; వంశచరిత్ర; వంశవృక్షం; వంశ పరంపర; వంశావళి;
  • general, adj. (1) సాధారణమైన; ప్రాయికమైన; సార్వత్రిక; ఏకోను; అందరికీ సంబంధించిన; సర్వ; (2) శారీరిక;
    • - body meeting, ph. సర్వ సభ్య సమావేశం;
    • - election, ph. సార్వత్రిక ఎన్నికలు;
    • - knowledge, ph. ప్రాయికమైన జ్ఞఆనం;
    • - public, ph. జనబాహుళ్యం;
    • - theory of relativity, ph. సాధారణ సాపేక్ష వాదం; సాధారణ సాపేక్ష సిద్ధాంతం;
  • generalization, n. సర్వసమన్వయం; సాధారణీకరణం; అజహరణ;
  • generalize, v. t. అజహరించు; అజహర్లక్షణాన్నివాడు; అర్ధాంతరన్యాసాన్ని వాడు;
  • generally, adv. సర్వసాధారణంగా; సర్వసామాన్యంగా; ప్రాయికంగా;
  • generate, v. i. ఉత్పత్తి చేయు; ఉత్పన్నించు; పుట్టించు;
  • generating, adj. జనక; ఉత్పాదక;
  • generation, n. (1) తరం; పురుషాంతరం; అంకెసం; (2) ఉత్పత్తి; పుట్టుక; తయారీ;
    • new -, ph. కొత్త తరం;
    • - gap, ph. తరాంతరం;
  • generations, n. pl. తరాలు; పురుషాంతరాలు;
    • for -, ph. తరతరాలుగా; అనుశృతంగా;

---USAGE NOTE: Generation X, Y, Millinneals

  • ---Children born between 1944-1964 (Post WW II) are often referred to as "baby boomers." Then,children born between 1965-1979 did not have any cultural identifier; so they are called Generation-X. Then Generation-Y for children born between 1980-1994, Generation-Z for children born between mid 2000 - present day. Generation-Y are also referred to as "millinneals." This division is used extensively to market products to specific age groups.
  • generation X, n. జనాభాలో సా. శ. 1965 - 1980 మధ్య పుట్టిన తరం;
  • generation Z, n. జనాభాలో సా. శ. 1995 - 2015 మధ్య పుట్టిన తరం;
  • generative, adj. వికాసక; ఉత్పాదక;
    • - model, n. ఉత్పాదక నమూనా; A Generative Model is a powerful way of learning any kind of data distribution using unsupervised learning. Generative models aim at learning the true data distribution of the training set so as to generate new data points with some variations;
  • generator, n. జాతకరి; (exp.) జాత అంటే పుట్టిన అని అర్థం కనుక పుట్టించేది జాతకరి; జనకి; ఉత్పాదిని; ఉత్పాదకి; (exp.) ఉత్పాదకి అంటే ఉత్పత్తి చేసేది అని అర్థం వస్తుంది;
  • generic, adj. సాధారణమైన; సముదాయమైన;
    • - drug, ph. సముదాయ ఔషధము; పేటెంటు లేని ఔషధము;
  • generosity, n. (1) ఉదారత; ఉదాత్తత; ఉదార స్వభావం; ధాతృత్వము; వదాన్యత; ఈగి; ఈవి; దిత్స; (2) సౌజన్యం;
  • generous, adj. ఉదాత్త; ఈవి
    • - person, ph. ఉదాత్తుడు; ఈవికాడు; ఈగికాడు; ఈవరి;
  • generously, adv. ఉదాత్తంగా; ధారాళంగా; ఈవిగా;
  • genitalia, n. pl. జననేంద్రియాలు;
  • genesis, n. జన్మ; పుట్టుక; ఆది; మొదలు; ఆవిర్భావం; ప్రాదుర్భావం; ప్రభవం; ప్రజననం;
    • parthenogenesis, n. అనుషిక్త జననం; ఫలదీకరణం అవసరం లేకుండా పిండొత్పత్తి, వృద్ధి జరుగుట;
  • genetic, adj. జన్యు; అభిజన;
    • - defect, ph. జన్యు లోపం; జన్యు దోషం; అభిజన దోషం;
    • - engineering, ph. జన్యు స్థాపత్యం; ప్రాణుల వారసవాహికలలోని జన్యుపదార్థాన్ని మార్పుచేసి వాటిని ఆరోగ్యవంతంగానూ, బలవర్ధకంగానూ తయారుచేసే సాంకేతిక శాస్త్రం;
  • genetics, n. జన్యుశాస్త్రం;
  • genitals, n. జననేంద్రియాలు; జననాంగాలు; ఉపస్థ;
  • genitive case, ph. షష్ఠీ విభక్తి; ఉ. సీత పొడుగు = సీత యొక్క పొడుగు; సీత ఆభరణం = సీత యొక్క ఆభరణం; also called possessive case; one noun possessing another noun;
  • genius, n. మేధావి; మహా మేధావి; ప్రతిభాశాలి;
  • genocide, n. జన్యుమేధం; జాతిమేధం; జాతిసంహారం;
  • genome, n. జన్యు సంగ్రహం; జన్యు సముదాయం; జన్యుపదార్థం;
  • genteel, adj. మెత్తని; కోమలమైన; పెద్దమనిషి తరహా; మృదుస్వభావము గల;
  • gentle, adj. (1) కోమల; కోమలమైన; సాత్విక; సాత్వికమైన; (2) మంద; మందమైన; (3) పెద్ద;
  • gentleman, n. (1) పెద్దమనిషి; యోగ్యుడు; (2) మగవాడు;
  • gently, adv. సుతారంగా;
  • gentry, n. pl. పెద్దమనుష్యులు; పెద్దలు; మర్యాదస్తులు;
  • genuine, adj. సిసలైన; అసలైన; నికార్సు అయిన;
  • genuine, n. సిసలైనది; అచ్చమైన; వాస్తవమైన;
  • genus, n. (1) ప్రజాతి; జాతి; (2) వంశం; శాస్త్రవేత్తలు జీవకోటిని ఏడు వర్గాలుగా విడగొట్టినప్పుడు ఆరవ వర్గానికి పెట్టిన పేరు; [see also] genus, family, order, class, phylum and kingdom;
  • geocentric, adj. భూకేంద్రక;
  • geographical, adj. భూగోళ; భౌగోళిక;
  • geography, n. భూగోళ శాస్త్రం;
  • geological calendar, n. జీవ పరిణామ కాల విభజన; ఈ కాలెండర్ కాలాన్ని "దశ" (ERA) లుగా దశలను "ఘట్టాలు" (PERIODS) గా ఘట్టాలను "మహాయుగాలు" (EPOCHS) గా మహాయుగాలను తిరిగి "యుగాలు" (AGES) లుగా విభజించారు;
    • (1) Ezoic era = నిర్జీవ దశ; భూ ఆవిర్భావం నుంచి 260 కోట్ల సంవత్సరాలకు వరకు గల కాలాన్ని నిర్జీవ దశ అంటారు; ఈ దశలో జీవం గానీ జీవ పదార్ధం కానీ ఆవిర్భవించలేదు.
    • (2) Archiozoic Era = ప్రథమ జీవ దశ; ఈ దశ 260-200 కోట్ల సంవత్సరాల వరకు కొనసాగింది. ఈ దశలోనే జీవ పదార్ధం ఆవిర్భవించి ఉంటుదని శిలాజాల ద్వారా చెప్పగలిగారు;
    • (3)Protirozoic Era = పూర్వ జీవ దశ; సుమారు 200-50 కోట్ల సంవత్సరాల మద్య సుదీర్ఘకాలం పాటు కొనసాగింది. ఏక కణ జీవులు ప్రారంభ దశలో వెన్నుముక లేని సముద్రజీవులు అంతిమ దశలో ఏర్పడ్డాయి;
    • (4) Paleolithic Era = పురా జీవదశ; ఈ దశ 50-20.5 కోట్ల సంవత్సరాల వరకు కొనసాగింది. దీనిని ఏడు ఘట్టాలుగా విభజించారు;
      • (i) కేంబ్రియన్ పీరియడ్: 50-42.5 కోట్ల సంవత్సరాల వరకు కొనసాగింది; వెన్నుముక లేని జీవులు వృక్షజాతులలో జంతుజాతిలలో ఆర్ద్రోపోడ వర్గ జీవులు ఆవిర్భవించాయి;
      • (ii) ఆర్దోవిసియన్ పీరియడ్: 42.5-36 కోట్ల సంవత్సరాల వరకు కొనసాగింది; వెన్నుముక గల జీవులు జీవులు చేపలు భూమి పై వృక్షజాతులు అవతరించాయి;
      • (iii) సైలూరియన్ పీరియడ్ : 36-32.5 కోట్ల సంవత్సరాల వరకు కొనసాగింది; మంచి నీటి చేపలు రెక్కలు లేని కీటకాలు ఆవిర్బవించాయి;
      • (iv) డివోనియన్ పిరియడ్: 32.5-28 కోట్ల సంవత్సరాల మధ్య కొనసాగింది; భూమిపై అరణ్యాలు ఏర్పడ్డాయి ఉభయచరాలు సముద్రాలలో షార్క్ జాతులు ఏర్పడ్డాయి;
      • ( v) మిసిసిపియన్ (కార్బోనిఫెరస్) పీరియడ్: 28-26.5 కోట్ల సంవత్సరాల మధ్య కొనసాగింది. ఉభయచరాలు బాగా అబివృద్ది చెందాయి;
      • (vi) పెన్సిల్వేనియన్ (కార్బోనిఫెరస్) పీరియడ్; 26.5-23 కోట్ల సంవత్సరాల మధ్య కొనసాగింది; సరీసృపాలు అభివృద్ది చెందాయి;
      • (vii) పెర్మీయన్ పీరియడ్: 23-20.5 కోట్ల సంవత్సరాల మధ్య కొనసాగింది. ఈ యుగంలో ఖండాల ఆవిర్బావం ప్రారంభమయింది; వాతవరణ పరిస్తితులు తట్టుకోలేక కొన్ని ప్రాచీన జీవులు అంతరించాయి; సరీసృపాలు స్తన్య జీవులు అభివృద్ది చెందాయి;
    • (5) Mesozoic Era = మధ్య జీవ దశ: 20.5 -7.5 కోట్ల సంవత్సరాల మధ్య కొనసాగింది; దీనిని తిరిగి మూడు పీరియడ్ లుగా విభజించారు;
      • (i) ట్రయాసిక్ పీరియడ్: ఈ యుగం 20.5 16.5 కోట్ల సంవత్సరాల మధ్య కొనసాగింది; ఈ యుగంలో ఎడారులు వ్యాపించాయి; డైనోసార్లు, గుడ్లు పెట్టే క్షీరదాలు అవతరించాయి;
      • (ii) జురాసిక్ పిరియడ్: 16.5 - 13.5 కోట్ల సంవత్సరాల మధ్య ఈ యుగం కొనసాగింది; ఈ యుగంలో డైనోసార్లు బాగా అభివృద్ది చెందాయి; పక్షులు, మార్సూపియల్స్ (కంగారు లాంటి జీవులు) అవతరించాయి; ఖండాల ఎత్తు బాగా పెరిగాయి;
      • ( iii) క్రిటేసియన్ పీరియడ్: 13.5 - 7.5 కోట్ల సంవత్సరాల క్రితం కొనసాగిన ఈ యుగంలో డైనోసార్లు అంతరించిపోయాయి; వివిధ ఖండాలలో ముడుత పర్వతాలు ఏర్పడ్డాయి; క్షీరదాలు బాగా అభివృద్ది చెందాయి;
    • ( 6) Cenozoic Era: నవ్య జీవదశ: ఈ దశ 7.5 కోట్ల సంవత్సరాల నుంచి 10 లక్షల సంవత్సరాల మధ్య కొనసాగింది; ఈ యుగాన్ని స్తన్య జీవుల యుగంగా చెప్పోచ్చు; ఈ దశను తిరిగి రెండు పీరియడ్ లుగా విభజించవచ్చు;
      • ( i) టెర్షీయరీ పీరియడ్; 7.5 కోట్ల సంవత్సరాల నుంచి కోటి పది లక్షల సంవత్సరాల మధ్య యుగంగా చెప్పుకోవచ్చు; దీనిని మళ్లి 5 మహాయుగాలు (ఎపాక్) లుగా విభజ్ంచవచ్చు;
        • (a) పేలియోసీన్ ఎపాక్
        • (b) ఇనోసీన్ ఎపాక్
        • (c) అలిగో సీన్ ఎపాక్
        • (d) మయోసీన్ ఎపాక్
        • (e) ప్లియోసీన్ ఎపాక్

ఈ టెర్షీయరీ కాలంలోనే ఆధునిక మానవుడిని పోలిన ఆంత్రోపాయిడ్ వానరాలు పరిణామం చెందాయి; ఈ కాలం చివరికొచ్చేసరికి పచ్చిక మైదనాలు అడవులు అవతరించి ఆధునిక జంతువులైన ఏనుగులు, గుర్రాలు, ఒంటెలు, మరియు ఇతర జీవులు ఈనాటి రూపాన్ని సంతరించుకున్నాయి;

      • (ii) క్వేటర్నరీ పీరియడ్: నవ్య జీవదశలో రెండవ ఘట్టాన్ని క్వేటర్నరీ పీరియడ్ అంటారు; ఈ కాలం 10 లక్షల సంవత్సరాల క్రితం ప్రారంభమయి ఇంకా నడుస్తున్నది; దీనిని రెండు ఎపాక్ లుగా విభజించవచ్చు .
        • (a) స్లీస్టోసీన్ ఎపాక్: ఇది 10 లక్షల సంవత్సరాల నుంచి 25 వేల సంవత్సరాల వరకు కొనసాగింది; ఈ కాలంలోనే మానవ సాంఘిక జీవనచ్ఛాయలు కనిపించాయి; హిమయుగాలు అవతరించి అంతరించిపోవటం జరిగింది;
        • (b) రీసెంట్ ఎపాక్: దీనినే ఆధునిక మహా యుగంగా చెప్పుకోవచ్చు; సుమారు 25 వేల సంవత్సరాల క్రితం ప్రారంభమయి ఇంకా నడుస్తుంది; హిమయుగాలు అంతరించి వెచ్చని శీతోష్ణ వాతావరణం ఏర్పడి మానవ మహా యుగం ప్రారంభమైంది;

ఇలా 450 కోట్ల సంత్సరాల క్రితం ఏర్పడిన భూ గ్రహం మీద వానరుడు నరునిగా పరిణామం చెందటం అనే ప్రకృియ 3 కోట్ల 90 లక్షల సంవత్సరాల క్రితం ప్రారంభమై సుమారు 25 వేల సంవత్సరాల క్రితమే, ఆధునిక మానవుడిగా మార్పు చెందాడని చెప్పవచ్చు;

  • geology, n. భూగర్భశాస్త్రం; గ్రహగర్భశాస్త్రం; భూవిజ్ఞానం; మృత్‍పాషాణ శాస్త్రం;
    • applied -, ph. అనువర్తిత భూవిజ్ఞానం;
    • hydro -, ph. జల భూవిజ్ఞానం;
    • marine -, ph. సముద్ర భూవిజ్ఞానం;
  • geometric, adj. గుణ; గుణోత్తర; జ్యామితీయ; ఉత్కలిత;
    • - growth, ph. గుణ వృద్ధి; గుణాత్మక వృద్ధి; ఉత్కలిత వృద్ధి;
    • - progression, ph. గుణ శ్రేఢి; గుణాత్మక శ్రేఢి; ఉత్కలిత శ్రేఢి; ఉత్కలితం;
  • geometry, n. క్షేత్రగణితం; రేఖాగణితం; జ్యామితి; (lit.) భూమిని కొలిచే శాస్త్రం;
    • analytical -, ph. వైశ్లేషిక జ్యామితి;
    • projective -, ph. ప్రలంబీయ జ్యామితి;
  • germ, n. (1) క్రిమి; సూక్ష్మజీవి; (2) బీజం; అంకురం;
  • germanium, n. శార్మణ్యం; ఒక రసాయన మూలకం; (అణుసంఖ్య 32, సంక్షిప్త నామం, Ge);
  • germicide, n. క్రిమిసంహారి; క్రిమినాశకి;
  • germinate, v. t. అంకురించు; మొలకెత్తు;
  • geriatrics, n. వయోవృద్ధుల ఆరోగ్యానికి సంబంధించిన వైద్యశాస్త్రం;
  • German, n. (1) జెర్మనీ దేశపు భాష; (2) జెర్మనీ దేశపు నివాసి;
  • germination, n. అంకురోత్పత్తి;
  • gerontocracy, n. వృద్ధులచే పరిపాలన;
  • gerontology, n. వయోశాస్త్రం; వృద్ధాప్య వైద్యశాస్త్రం;
  • gerund, n. భావార్థకం; నామవాచకంగా మారిన క్రియావాచకం; ఉదా. వెళ్ళడం; చెప్పడం, చెయ్యడం, మొ.;
  • gestation, n. గర్భావధి;
  • gestation period, ph. గర్భావధి; గర్భావధి కాలం;
  • gesticulate, v. i. చేతులతో అభినయిస్తూ మాట్లాడు;
  • gesture, n. ముద్ర; సైగ; సన్న; అభినయం; ఆంగికం; ముఖ కళవళిక; విచేష్టితం; చేష్ట; అంగవిక్షేపం; తల పంకించడం, చేతులతో చూపడం వంటి అభినయాలు; భావమును తెలుపుటకు శరీరాంగాలని కదలించడం;
    • eye -, ph. కనుసన్న;
    • fear-not -, ph. అభయ ముద్ర;
    • hand -, ph. హస్త ముద్ర; కైసన్న; హస్త ఆంగికం; హస్త చలనం వల్ల భావ వ్యక్తీకరణ;
  • get, v. t. పొందు; తెచ్చు; సంపాదించు;
  • ghat, ghaut, n. (1) కొండలోయ; పర్వతసరణి; కనుమ; (2) ఘట్టము; నదిలోకి దిగి స్నానము చెయ్యడానికి వీలుగా కట్టిన మెట్లు;
  • ghat road, n. లోయలోంచి వెళ్ళే రోడ్డు;
  • ghee, n. నెయ్యి; ఘృతం; ఆజ్యం; హవిస్; (Sans.) ఘ్హృ = to melt;
  • gherao, n. [Ind. Engl.] (ఘెరావ్) a lock-in where the workers lock the management in;
  • ghetto, n. మురికివాడ;
  • ghost, n. దయ్యం; పిశాచం; (rel.) poltergeist;
  • ghoul, n. (ఘూల్) పిశాచం; స్మశానాలలో తిరుగుతూ పాతిపెట్టిన శవాలని తినేది;
  • giant, n. (1) దైత్యుడు; చాలా భారీగా, పొడుగ్గా ఉండే వ్యక్తి; (2) ఒక రంగంలో చాల పేరు ప్రతిష్టలు ఉన్న వ్యక్తి;
  • giant, adj. రాక్షసి; భీమ; బండ; పొడుగైన; పెద్ద;
    • - molecules, ph. బండ బణువులు; బృహత్ బణువులు;
  • gibberish, n. (జిబ్బరిష్), కొక్కిరిబిక్కిరి రాత; కొక్కిరింపు; గాసట బీసట; అర్ధం పర్ధం లేని మాటలు, రాతలు, కూతలు;
  • gibbous, adj. గుబ్బగా ఉండే; బోర్లించిన గిన్నెలా ఉండే; కుంభాకార;
  • gibbous moon, ph. వృద్ధ చంద్రుడు; అష్టమికి, పూర్ణిమ కి మధ్య ఉండే చందుడి ఆకారం;
  • gibe, v. t. దెప్పు;
  • giddiness, n. తలతిప్పు; (rel.) తలతిరుగుడు;
  • gift, n. (1) కానుక; బహుమతి; బహుమానం; పారితోషికం; పసదనం; సూడిద; అరణము; నజరు; (2) దాఖలు; దానం;
    • wedding-, ph. అరణం; యౌతకం;
  • gift deed, n. దాన పత్రం;
  • gifted, adj. అంశీభూతమైన; భగవద్దత్తమైన;
  • gifted person, ph. అంశీభూతుడు; భగవద్దత్తుడు;
  • giggle, n. గలగలమనే నవ్వు;
  • gills, n. pl. (గిల్స్) మొప్పలు; పువ్వారాలు; చేపల శ్వాసావయాలు;
  • gilt, n. మెరుగు; పైపూత; పూతమెరుగు;
  • gimlet, n. బరమ;
  • gimmick, (గిమ్మిక్) n. ఎత్తు; జిత్తు;
  • gin, v. t. ఏకు;
  • gingely seed, n. నువ్వులు; తిలలు; same as sesame seed;
  • ginger, n. అల్లం; ఆర్ర్దకం;
    • dried -, ph. శొంఠి; చంద్రకం;
    • fresh -, ph. అల్లం;
  • ginger group, ph. స్వపక్ష విమర్శకులు; శొంఠికొమ్ము జట్టు;
  • gingivitis, n. ఇగుళ్ల వాపు;
  • ginned cotton, n. దూది; ఏకిన దూది;
  • girder, n. దూలం; తనాబీ; బారుదూలం;
    • steel -, ph. ఉక్కు తనాబీ;
  • girdle, n. వేష్టం; మేఖలం; కచ్చడం; కాసెకోక; ఆడువారు లోపల వేసికొనే ఇరుకైన లాగు;
    • iron -, ph. ఇనప కచ్చడం;
    • hip -, ph. వస్తిక వేష్టం; వస్తిక మేఖలం; నితంబ మేఖలం;
  • girl, n. అమ్మాయి; ఆడపిల్ల; పిల్ల; బుల్లి; బాలిక; చిన్నది; గుంట; పొట్టి;
  • girl friend, n. చెలి;
  • girth, n. చుట్టుకొలత; టంగువారు;
  • gist, n. (జిస్ట్) సారాంశం; పిండితార్థం; అసలు విషయం;
  • give, v. t. ఇచ్చు; ఒసగు;
  • given, adj. ఇచ్చిన; ఉద్దేశించిన; ఉద్దిష్టమైన;
  • giver, n. ఇచ్చేవాడు; దాత;
  • giving, n. ఇవ్వడం; ప్రదానం;
  • gizzard, n. అంతర్జఠరం; పక్షి కడుపులో ఉండే ఒక సంచి;
  • glacier, n. హిమనీనదం; హిమాని; హిమప్రవాహం; మంచునది; నీటికి బదులు నదిలో మంచు నెమ్మదిగా ప్రవహిస్తూ ఉంటుంది;
  • glade, n. అడవిలో ఉండే బయలు; డొంక;
  • glamour, n. ఆకర్షణ; మోజు;
  • glance, n. చూపు; వీక్షణం; ఈక్షణం;
  • gland, n. గ్రంథి;
    • adrenal -, ph. ఉపవృక్క గ్రంథి;
    • ductless -, ph. వినాళ గ్రంథి; నాళరహిత గ్రంథి;
    • endocrine -, ph. అంతర్‌స్రవణ గ్రంథి; అంతస్స్రావ గ్రంథి; వినాళ గ్రంథి;
    • pituitary -, ph. పీనస గ్రంథి;
    • salivary -, ph. లాలాజల గ్రంథి;
    • sebaceous -, ph. తైల గ్రంథి; చమురు గ్రంథి;
  • glare, n. జిగులు; వెదజల్లబడ్డ వెలుగు; సెగ; సెగవెలుగు;
  • glass, adj. గాజు;
  • glass rod, ph. గాజు కడ్డీ;
  • glass, n. (1) గాజు; కాచము; (2) గ్లాసు; గళాసు;
  • glasses, n. pl. అద్దాలు; కళ్లద్దాలు; కళ్లజోడు; కండ్లజోడు; సులోచనాలు; ముక్కద్దాలు;
  • glee, n. ఆనందం; ఆహ్లాదం; సంతోషం;
  • glen, n. కోన; ఇరుకైన లోయ;
  • glide, v. i. జారు; జరుగు;
  • glitch, n. రూపకల్పనలో దొర్లిన పొరపాటు; అనుకున్నట్లు పని చెయ్యకపోవడం;
  • glitter, n. జిగి; మెరుపు; తళుకు;
  • glitter, v. i. అలరు; అలరారు; మెరియు; తళుక్‍మను; జిగేల్‍మను;
  • global, adj. ప్రపంచ; వసుధైక; సార్వత్రిక;
    • - viewpoint, ph. వసుధైక దృక్పథం;
  • globe, n. (1) గోళం; (2) భూగోళం; అవనీమండలం;
  • globular, adj. ఆణి; గోళాకార; వట్రువ;
    • - clusters, ph. [astro.] ఆణి గుచ్ఛములు;
  • gloom, n. చీకటి; దైన్యం; నిరుత్సాహం;
  • glorious, adj. దేదీప్యమాన; ఉజ్వల; దివ్యమైన;
  • glory, n. వైభవం; ప్రభ; ప్రకాశం; కీర్తి;
  • gloss, n. పైమెరుపు; వ్యాఖ్య; టీక; టిప్పణి; భాష్యం;
  • gloss, v.t. మెరుగులు దిద్దు; వ్యాఖ్యానించు; భాష్యం చెప్పు;
  • glossary, n. అపూర్వ పదార్థకోశం; అపూర్వ శబ్దసంగ్రహం; పదపట్టిక; పదకోశం; టిప్పణం;
  • glossitis, n. నోటిపూత;
  • glossary, n. పదకోశం; ఒక పుస్తకంలోని కీలకమైన మాటల అర్థాలు;
  • glossy, n. మసృణం;
  • glottals, n. pl. [ling.] కంఠమూలీయములు; స్వరతంతువుల మధ్యనున్న జాగా ద్వారా గాలిని వదలడం వల్ల వచ్చే శబ్దాలని సూచించే అక్షరాలు; ఉదా, హ;
  • glottal stop, n. [ling.] కంఠమూల స్పర్శం;
  • glottis, n. శ్వాసనాళ ద్వారం; కంఠమూలం; కంఠబిలం; స్వరతంతువుల మధ్యనున్న జాగా; (rel.) epiglottis;
  • glotto-labials, n. కంఠోష్ట్యములు;
  • glove, n. చేతిత్తి;
  • glow, n. వెలుగు; వర్చస్సు; డాలు;
  • glow, v. i. ప్రకాశించు;
  • glow worm, n. మిణుగురు పురుగు; ధ్వాంతమణి; ఖద్యోతం; జ్యోతిరింగణం;
  • glucose, n. మధోజు; గ్లూకోజు; రక్తంలో ఉండే చక్కెర;
  • glue, n. జిగురు; బంక; సర్వీసు;
  • glum, adj. విచారవదనంతో ఉండు; ముసురుమూతితో ఉండు;
  • glut, n. అపరిమితం; కూరుడు; కావలసిన దానికంటె అత్యధికం;
  • gluttons, n. pl. తిండిపోతులు; కుక్షింబరులు; ఉదరంభరులు; ఆబూతికాళ్లు; అద్మరులు;
  • glycerin, glycerine (Br.), n. మధురిక; గ్లిసరిన్;
  • glycogen, n. మధుజని; జంతువుల కండలలో ఉండే చక్కెర వంటి పిండిపదార్థం;
  • glyphs, n. pl. మూలరూపాలు; మూలాకారాలు; ఒక వర్ణమాలలోని అక్షరాలని రాసే బాణీలో ఉన్న మౌలికమైన ఆకారాలు;
  • glyphtography, n. నగిషీపని;

Part 2: Gm-Gz

నిర్వచనములు ఆసక్తికర చిత్రములు
  • gnat, n. (నేట్) జోరీగ; మశకం;
  • gnaw, v.t. (నా) కొరుకు; నములు;
gnomon=సూర్య యంత్రంలో నీడని ప్రసరించే శంకు
  • gnomon, n. నిట్రాట; విష్కంభం; గుంజ; శంకు; ఈ నిట్రాట నీడ పొడుగుని కొలిచి వేళ ఎంత అయిందో చెప్పవచ్చు. మిట్ట మధ్యాహ్నం ఈ నిట్రాట కింద పడే నీడ (విషువచ్ఛాయ) పొడుగుని కొలిచి ఆ ప్రదేశం యొక్క అక్షాంశం కనుక్కోవచ్చు. (ety.) ఈ మాటకీ జ్ఞానంకీ సంబంధం ఉంది. కాలజ్ఞానం ఇచ్చే రాట;
    • shadow cast by a -, ph. విషువచ్ఛాయ;
  • gnu, n. ఆఫ్రికా దేశపు దుప్పి;
  • go, inter. వెళ్లు; వెళ్లండి; పో, పొండి;
  • go, v. i. వెళ్లు; చనుదెంచు; పోవు; పయనించు; ఏగు; ఏగుదెంచు; ఏతెంచు;

---Usage Note: go, gone, been

  • ---Use gone as the usual past participle of go: Kamala has gone to Delhi (= she is there now); Raghu has been to Mumbai (= He has visited Mumbai before, but is not there now).
  • goad, n. ములుకోల; ముల్లుకర్ర;
  • goad, v. t. (1) రెచ్చగొట్టు; కిర్రు ఎక్కించు; ఉసి కొలుపు; పురి ఎక్కించు; (2) పొడుచు;
  • goal, n. గమ్యం; గంతవ్యం; ఆశయం; ధ్యేయం; లక్ష్యం;
    • lofty -, ఉన్నతాశయం;
  • goat, n. మేక; మేషం;
    • billy -, ph. చీంబోతు; మగ మేక;
    • she -, ph. మేక;
  • goatee, n. గడ్డం; పిల్లి గడ్డం;
  • gobble, v. t. బుక్కు;
  • goblet, n. పానభాజనం; పానీయాలు తాగే గుండ్రని చిన్న గిన్నె;
  • goblin, n. అల్లరి దయ్యం; పిల్ల దయ్యం;
  • god, n. m. దేవుడు; వేలుపు; దైవం; భగవంతుడు; ఈశ్వరుడు; పరమేశ్వరుడు; దేవర, కడవలి; అప్పడు;
  • goddess, n. f. దేవత; అమ్మవారు; దేవేరి;
  • godfather, n. m. జ్ఞానపిత;
  • God-given, n. దైవదత్తం; దేవిడిచ్చినది;
  • god-sent, adj. ఆధిదైవిక; దైవానుగ్రహం వల్ల కలిగిన;
  • godhead, n. దైవత్వం;
  • godown, n. గిడ్డంగి; కొటారు; కోష్ఠం; కొట్టడి; గోదాం; గోడౌను; మండీ;
  • godspeed, n. శుభం!; క్షేమంగా వెళ్లి లాభంగా రా!; ప్రయాణం అయే ముందు ఇచ్చే శుభాకాంక్షలు;
  • goiter, n. గళగండం; గండమాల;
  • Gold, n. బంగారం; సువర్ణం; స్వర్ణం; కాంచనం; కనకం; పసిడి; పైడి; పుత్తడి; కుందనం; అపరంజి; హాటకం; భృంగారం; పారణ్యం; ఒక రసాయన మూలకం; (అణుసంఖ్య 79, సంక్షిప్త నామం, Au); [Sans.] jval, shining like a flame, [Lat.] aurum, shining dawn;
    • - coating ph. జలపోసనం;
    • - fiber, ph. జలతారు; బంగారుతీగ;
    • - finch, ph. బంగారు పిచ్చుక; పయిడికంటి పిట్ట;
    • - lace, ph. జలతారు; సరిగ;
    • - standard, ph. సువర్ణ ప్రమాణం; బంగారం ధరని బట్టి, చలామణీలో ఉన్న డబ్బు విలువని నిర్ణయించే పద్ధతి;
    • 24 carat -, మేలిమి బంగారం; కుందనం; అపరంజి; తప్తకాంచనం;
  • golden, adj. బంగారు; పొన్నారి; సువర్ణ; కనక; హాటక;
    • - jubilee, ph. స్వర్ణోత్సవం; ఏభయి ఏళ్ల వార్షికోత్సవం;
    • - little children, ph. [idiom] చిన్నారి, పొన్నారి బాలలు;
    • - ratio, ph. [math.] స్వర్ణనిష్పత్తి; సమబాహు పంచభుజములో స్వర్ణ నిష్పత్తి, దాని ద్వారా హేమచంద్ర-ఫిబొనాచ్చి (Hemachandra-Fibonacci numbers) సంఖ్యలు అంతర్గతమై ఉన్నాయి; ఈ స్వర్ణ నిష్పత్తి, హేమచంద్ర-ఫిబనాచ్చి సంఖ్యలు ఎన్నో రంగాలలో పదే పదే దర్శనమును ఇస్తాయి; శిల్పములలో, పూలలో, పండ్లలో, సంగీతములో, అలలలో, సర్పిలములో (spiral), ఛందస్సులో, ఇలా ఎన్నో రంగాలలో ఇవి గోచరిస్తాయి;
  • goldfinch, n. బంగారు పిచ్చుక;
  • goldsmith, n. కంసాలి; నగసాలి; అగసాలి; స్వర్ణకారుడు; కమ్మటీడు;
  • gonad, n. [biol.] బీజాండం; సంతానాంగం;
  • Gondwanaland, n. గొంద్వానా ఖండం; కొన్ని మిలియన్ల సంవత్సరాల కిందట భారతదేశం, ఆస్ట్రేలియా, మొదలైన భూభాగాలన్నీ కలిసి ఉండిన రోజులలో ఒక భాగం పేరు;
  • gonorrhea, n. సెగ; సవాయి; పూయ మేహం; సుఖరోగం; గనేరియా;
  • good, adj. మంచిదైన; మంచి; చక్కని; శుభమైన; బాగుగా; బాగైన;
    • - and bad lucks, ph. లగ్గు ఎగ్గులు;
    • - faith, ph. మంచి నమ్మకం, సదుద్దేశం;
    • - luck, ph. అదృష్టం; లగ్గు; లక్కు;
    • - morning, ph. శుభోదయం;
    • - order, ph. బరాబరు;
    • is it -? ph. బాగుందా?
    • it is not -, ph. బాగు లేదు; బాగా లేదు;
    • they are not -, ph. బాగు లేవు; బాగా లేవు;
  • good-by, n. స్వస్తి; God be with you అన్న మాటలని క్లుప్తపరచగా వచ్చినది;
  • goodness, n. మంచితనం;
  • goods, n. దినుసులు; వస్తువులు; సామాను; సరకులు; సరంజామా;
  • goods train, n. మాల్‍గాడీ;
  • goodwill, n. సౌజన్యం; సౌహార్దం; ఆదరాభిమానాలు;
  • goondas, n. pl. [Ind. Engl.] గూండాలు; ruffians and toughs; enforcers typically used by political parties;
  • goose, n. (1) చక్రవాకం; బాతు రూపంలో, బాతుకంటె పెద్దది, ఈ పక్షులు వలస వెళుతూ వందల కిలోమీటర్లు ఎగర గలవు; (ety.) cognate of హంస; In Indo-European languages "ga" ==> "ha" (2) దేబె; దేభ్యం; వెర్రి ముఖం;
  • goose bumps, ph. గగురుపాటు; రోమాంచం; రోమోద్గమం;
  • gore, n. నెత్తురు; కారి, గడ్డకట్టిన రక్తం;
  • gore, v. t. కుమ్ము; పొడుచు;
  • gorge, n. లోయ; గండి; కంధరం; రెండు ఎత్తయిన కొండల మధ్య ఉన్న ఇరుకైన ప్రదేశం;
  • gorge, v. t. బొక్కు; మింగు; కబళించు;
  • gorilla, n. (1) గొరిల్లా; మహావానరం; మనిషిని పోలిన, కోతి వంటి, తోక లేని, ఆఫ్రికా ఆదవులలో నివసించే పెద్ద జంతువు; [biol.] Gorilla gorilla of the Pongidae family; (2) ప్రచ్ఛన్న యుద్ధం చేసే సైనికుడు;
  • gory, adj. రక్తసిక్తమయిన;
  • gosling, n. పిల్ల చక్రవాకం; బాతు పిల్ల;
  • gospel, n. దైవ వాక్యం;
  • gossamer, n. సన్నటి తంతువు; సాలెపట్టు లోని దారము వంటి దారం;
  • gossip, n. పిచ్చాపాటి; గుసగుసలు; పనికిరాని సుద్దులు;
  • gourd, n.గుమ్మడికాయ;
    • bitter -, ph. చేదు పుచ్చకాయ;
    • bottle -, ph. ఆనపకాయ; సొరకాయ;
    • snake -, ph. పొట్లకాయ;
  • gourmand, n. m. భోజనప్రియుడు;
  • gout, n. ఆమవాతం;
  • govern, v. t. పరిపాలించు; పాలించు; ఏలు; చెలాయించు;
  • governance, n. పరిపాలన; ఏలిక;
  • governor, n. పరిపాలకుడు; పాలకుడు; గవర్నర్;
  • government, adj. ప్రభుత్వ; దొరతనపు;
  • government servant, ph. ప్రభుత్వోద్యోగి;
  • government, n. (1) ప్రభుత్వం; దొరతనం; ప్రాభవం; సర్కారువారు; గవర్నమెంటు; (2) పరిపాలన; దౌలతు;
  • gown, n. గౌను;
  • grace, n. (1) ఒయ్యారం; సొంపు; సోయగం; హొయలు; నయగారం; (2) కటాక్షం; అనుగ్రహం; (3) భోజనం చేసే ముందు చేసే ప్రార్థన;
  • graceful, adj .కమనీయ;
  • gradation, n. స్తరీకరణ; ఒక వరుస క్రమంలో అమరేలా చెయ్యడం;
  • grade, n. (1) తరగతి; (2) స్థాయి; (3) వాలు;
  • graded, adj. స్తరీకృత;
    • - vocabulary list, ph. స్తరీకృత పదపట్టిక;
  • gradient, n. గండీ; వాలు; ప్రవణత; నతిక్రమం;
    • density -, ph. సాంద్రతా ప్రవణత;
  • gradually, adv. క్రమేపీ; క్రమేణా; క్రమంగా; క్రమస్యా; రానురాను; అంతకంతకు; కాలావధికంగా;
  • graduate, n. పట్టభద్రుడు;
  • graduated, adj. కొల; అంశాంకన; గీతలు గీయబడ్డ; క్రమాంకిత; క్రమముగా విభాగించబడ్డ;
    • - jar, ph. కొల జాడీ; ప్రస్థమానం;
  • graft, n. (1) అంటు; (2) లంచం; అక్రమమైన ఆర్జన;
  • branch -, ph. కొమ్మంటు;
  • graft, v. t. అంటు కట్టు; అంటుతొక్కు;
  • grain, n. (1) దినుసు; ధాన్యం; గింజ; (2) రేణువు; (3) పలుకు;
  • grain of boiled rice, ph. మెతుకు;
  • grain of paradise, ph. ఏలకులు;
  • grain of salt, ph. ఉప్పు కల్లు; ఉప్పు బెడ్డ;
  • graininess, n. పూసరికం; పలుకుదనం;
  • grains, n. pl. దినుసులు; ధాన్యాలు; గింజలు;
    • cooked -, మెతుకులు; పులాకములు;
    • food -, తిండి గింజలు; ఆహార ధాన్యాలు;
  • gram, n. (1) బరువుని తూచడానికి వాడే కొలమానం; (2) కాయధాన్యం;
    • Bengal -, ph. శనగలు;
    • cow -, ph. అనుములు;
    • black -, ph. మినుగులు;
    • green -, ph. పెసలు;
    • horse -, ph. ??;
    • red -, ph. కందులు;
  • grammar, n. వ్యాకరణం; భాష యొక్క అంతర్గత కట్టడిని అధ్యయనం చేసే శాస్త్రం;
  • grammarian, n. వైయ్యాకరణి; వ్యాకరణకర్త; వైయ్యాకరణుడు; లాక్షణికుడు;
  • grammatical, adj. వ్యాకరణయుక్తంగా; వ్యాకరణ;
    • - error, ph. వ్యాకరణ దోషం;
  • grammatology, n. లేఖన శాస్త్రం;
  • granary, n. ధాన్యాగారం; గాదె;
  • grand, adj. వైభవంగా; గొప్పగా; ఘనంగా; అద్భుతంగా;
  • grand, n. వైభవం; గొప్ప; ఘనం; అద్భుతం;
  • grandeur, n. వైభవం;
  • granddaughter, n. (1) మనుమరాలు; (2) పౌత్రి; కొడుకు కూతురు; (3) దౌహిత్రి; కూతురు కూతురు;
    • great-, ప్రపౌత్రి;
  • grandfather, n. (1) తాత; జేజె; అబ్బ; ఆర్యకుడు; (2) పితామహుడు; తండ్రి యొక్క తండ్రి; (3) మాతామహుడు; తల్లి యొక్క తండ్రి;
    • great-, ముత్తాత; ప్రపితామహుడు; ప్రమాతామహుడు;
  • grandmother, n. (1) మామ్మ; నాయనమ్మ; బామ్మ; అవ్వ; జేజెమ్మ; పితామహి; తండ్రి యొక్క తల్లి; (2) అమ్మమ్మ; అవ్వ; బాప్ప; నానక్క; మాతామహి; తల్లి యొక్క తల్లి;
    • great -, తాతమ్మ; ప్రపితామహి; ప్రమాతామహి;
  • grandson, n. (1) మనుమడు; (2) పౌత్రుడు; కొడుకు కొడుకు; (3) దౌహిత్రుడు; కూతురు కొడుకు;
    • great -, ప్రపౌత్రుడు;
  • granite, n. నల్లసేనపు రాయి; నల్లసేనం; నల్లరాయి;
  • grant, n. ఈనాం; దానం; ప్రదానం;
    • land -, ph. మాన్యం;
  • grant, v. t. మంజూరు చేయు; అనుగ్రహించు;
  • granular, adj. పూసకట్టినట్లు; కరకట్టినట్లు;
  • granule, n. నూక; రేణువు;
  • granulocite, n. రేణు కణం;
  • granulose, n. కణికసంహితం;
  • grape, n.ద్రాక్ష; మృద్విక;
  • grape juice, n. ద్రాక్ష రసం;
  • grape vine, n. ద్రాక్ష తీగ;
  • grape wine, n. ద్రాక్ష సారా; ద్రాక్షారిష్టం;
    • by the -, ph. కర్ణాకర్ణిగ;
  • grapefruit, n. పంపరపనస; చకోర్త పండు; తియ్య నారింజని, పంపరపనసని జోడించగా వచ్చిన కంచర జాతి పండు;
  • graph, n. రేఖాపటం;
  • graphic, adj. (1) రేఖాత్మక; (2) వివరణాత్మక; విపులంగా; కళ్ళకి కట్టినట్లు;
  • graphical, adj. రేఖాచిత్రీయ;
  • graphite, n. ఒక రకపు కర్బనం;
  • graphology, n. దస్తుశాస్త్రం; దస్తూరీని పరిశీలించే శాస్త్రం;
  • graphy, suff. లేఖనం;
    • spectrography, n. వర్ణలేఖనం;
  • grapnel, n. గాలం: చాలా కొక్కెములు కల లంగరు;
  • grasp, n. గ్రహణశక్తి; అవగాహన; పట్టు;
  • grass, n. గడ్డి; పచ్చగడ్డి; పచ్చిక; కసవు; పూరి; కుశ; తృణం; గ్రాసం; (rel.) hay;
    • lemon -, ph. కామంచి గడ్డి;
  • grasshopper, n. గొల్లభామ; మిడత; when ordinary grasshoppers band together into a flock we call them locusts;
  • grate, n. గ్రాది; ఇనుప చువ్వల వరుస;
  • grate, v. t. కోరు; తురుము;
  • grater, n. కోరాం; తురుమిక; తురుముడు పీట;
  • grating, n. (1) కటకటాలు; (2) రూళ్లపలక; జాలకం; కటకటాల ఆకారంలో సన్నటి గీతలుతో ఉన్న గాజు పలక;
  • gratings, n. (1) కోరు; తురుము; (2) కటకటాలు; (3) జాలకం; కటకటాల ఆకారంలో సన్నటి గీతలు గీసిన గాజు పలక;
  • gratuity, n. బక్షీసు; ఈనాము; డబ్బురూపంలో ఇచ్చే పారితోషికం; బహుమానం; టిప్పు;
  • grave, adj. ముఖ్యమైన; గంభీరమైన; ఉపేక్షించడానికి వీలుకాని;
  • grave, n. సమాధి;
  • gravel, n. గులకరాళ్లు; మొరపరాళ్లు; కంకర;
  • gravelly, adj. గరువు; మొరప;
  • gravelly soil, n. మొరపనేల;
  • gravimetric, adj. భారమాన; గరిమాన;
  • gravitation, n. గురుత్వం;
    • Law of -, ph. గురుత్వ నియమం; గురుత్వ సూత్రం;
    • universal Law of -, ph. విశ్వవ్యాప్తమయిన గురుత్వ నియమం; విశ్వవ్యాప్తమయిన గురుత్వ సూత్రం;
  • gravitational, adj. గురుత్వ;
    • - attraction, ph. గురుత్వ ఆకర్షణ;
    • - field, ph. గురుత్వ క్షేత్రం;
    • - force, ph. గురుత్వ బలం;
    • - mass, ph. గురుత్వ గరిమ; గురుత్వ భారం;
    • - radius, ph. గురుత్వ వ్యాసార్థం;
  • gravity, n. గురుత్వం; గురుత్వ ఆకర్షణ; గరిమ;
    • anti -, ph. నిష్ గురుత్వం; ప్రతి గురుత్వం;
    • center of -, ph. గరిమనాభి; గురుత్వ కేంద్రం;
    • micro -, ph. సూక్ష్మ గురుత్వం; నభోనౌకలలో అనుభవానికి వచ్చే అతి తక్కువ గురుత్వ బలం;
    • specific -, ph. విశిష్ట గురుత్వం;
    • zero -, నాస్తి గురుత్వం;
  • gray, grey (Br.), adj. ధూసర;
    • - matter, ph. ధూసరాంశం; దూసరద్రవ్యం; మెదడులోని బూడిదవన్నె పదార్థం;
  • gray, n. బూడిద రంగు; ధూసర వర్ణం;
  • graze, v. t. కసవు మేయు;
  • grease, n. జిడ్డు; కందెన; కందెన చమురు;
  • great, adj. మహా; గొప్ప; పెద్ద; ఉద్దండ;
    • - grandfather, ph. ముత్తాత;
    • - grandmother, ph. ముత్తవ్వ;
    • - grandson, ph. ముని మనవడు;
    • - scholar, ph. ఉద్దండ పండితుడు;
  • Great Circle, n. [astron.] మహావృత్తం;
  • greatness, n. గొప్పతనం; ఘనత;
  • greater, adj. బృహత్తర;
  • greater Delhi, ph. బృహత్తర ఢిల్లీ; ఢిల్లీ; శివార్లు కలుపుకొని అని అర్థం;
  • greatest, adj. గరిష్ఠ;
  • Grebe, n.వజ్జులి పక్షి; బాతు కుటుంబానికి చెందిన ఒక రకమైన నీటిపక్షి;
  • Greek, adj. యవన; యూనానీ; గ్రీసు దేశానికి సంబంధించిన; see also Hellenic;
  • greed, n. పేరాశ; అత్యాశ; దురాశ; ఆబ;
  • green, adj. (1) పచ్చ; పచ్చని; ఆకుపచ్చ; హరిత; ఆకు; పసిరిక; (2) పచ్చి; కసరు;
    • - cricket, ph. ఆకు మిడత;
    • - grass, ph. పచ్చి గడ్డి; పచ్చిక;
    • - leaf extract, ph. పసరు;
    • - mangoes, ph. పచ్చి మామిడి కాయలు;
    • - meadow, ph. పచ్చిక; పచ్చిక బయలు;
    • - onion, ph. ఉల్లికాడలు;
    • - revolution, ph. హరిత విప్లవం;
    • - vitriol, ph. అన్నభేది;
    • dark -, ph. ముదర ఆకుపచ్చ;
  • greenery, ph. పచ్చిక; వృక్ష సముదాయం;
  • greenhouse, n. హరితగృహం; పచ్చటి ఉష్ణమండలపు మొక్కలని పెంచడానికి ప్రత్యేకంగా తయారు చేసిన గాజద్దాల గది;
  • greenhouse gases, n. హరితగృహ వాయువులు; ఈ వాయువులు మన వాతావరణంలో పెరిగిపోతే మన భూగ్రహం హరితగృహంలా వేడిగా తయారవుతుందని సిద్ధాంతం;
  • greens, n. ఆకుకూరలు; కలంబి; కలంబం;
  • green scorpion, ph. ఆకు తేలు;
  • greet, v. t. పలకరించు; ఆహ్వానించు; వందనము చేయు;
  • greeting, n. (1) పలకరింపు; పిలుపు; (2) శుభాకాంక్ష;
  • greeting card, ph. ప్రత్యుత్థాన పత్రం; ఆహ్వాన పత్రం;
  • grey, adj. పలిత; నెరిసిన; పండిన;
    • - hair, ph. పండిన జుత్తు; నెరిసిన జుత్తు;
  • greyness, n. పాలిత్యం;
  • grid, n. గ్రాది; కటకటాలు; కటాంజనం; జల్లెడ ఆకారంలో నిలువు, అడ్డుగీతలు కాని, బద్దీలు కాని ఉన్న అమరిక;
    • iron -, ఇనప కటకటాలు; ఇనప గ్రాది; ఇనప కటాంజనం;
  • gridlock, n. దిగ్బంధం; నాలుగు వీధుల మొగలో వాహనాలు ఎటూ కదలలేని పరిస్థితిలో ఇరుక్కుపోయిన పరిస్థితి;
  • grief, n. విచారం; సంతాపం; దుఃఖం; శోకం; ఖేదం; చింత; వగ; అలమట; విషాదం; మనస్తాపం; విషణ్ణము; అంగలార్పు; వ్యాకులం; మనికితం;
  • grieve, v. i. విచారించు; వగచు; శోకించు; ఖేదించు; అలమటించు; అలమరించు; అంగలార్చు; దుఃఖించు; ఉమ్మలించు; దురపిల్లు;
  • grill, n. అంగారిణి; కుంపటి; ఇనప తడక;
  • grill, v. t. (1) పుంఖానుపుంఖాలుగా ప్రశ్నలవర్షం కురిపించు; సతాయించు; ఎడతెగని విచారణ చేయు; (2) కుంపటి మీద కాని ఇనప చట్రం మీద కాని వంట వండు;
  • grimace, n. ఇకిలింపు;
  • grime, n. మురికి; మకిలి;
  • grind, v. t. (1) రుబ్బు; నూరు; విసరు; (2) సానపట్టు; (3) అరగదీయు; చాదు;
    • dry -, ph. విసరు;
    • wet -, ph. రుబ్బు; నూరు;
  • grindstone, n. (1) సాన; రుబ్బురోలు; సన్నికల్లు; (2) తిరగలి; (3) ఆకురాయి;
  • grinder, n. (1) తిరగలి; ఘరట్టం; విసర్రాయి; రాగిన కల్లు; (2) రుబ్బురోలు; సన్నికల్లు; పేషణి;
    • dry -, ph. తిరగలి; ఘరట్టం;
    • wet -, ph. రుబ్బురోలు; సన్నికల్లు;
  • grinding, adj. పేషక;
    • - wheel, పేషక చక్రం;
  • grip, n. పట్టు; పటిమ; పటుత్వం;
  • grip, v. t. పట్టుకొను;
  • gripe, n. కడుపునొప్పి; నొప్పి; బాధ;
  • grisly, adj. భయంకరమైన;
  • grist-mill, n. తిరుగలి;
  • groan, n. మూలుగు;
  • groceries, n. దినుసులు; అంగడి దినుసులు; పచారీలు;
  • groin, n. గజ్జ; కచ్చ;
  • groom n. పెండ్లి కొడుకు; పెండ్లి కుమారుడు;
  • groom, v. t. దువ్వు; మాలీసు చేయు; తయారు చేయు; తరిఫీదు చేయు;
  • groove, n. చాలు; గాడి;
    • plow's -, ph. నాగేటి చాలు;
  • grooves, n. pl. చాళ్లు; గాడీలు;
  • grope, v. i. తడుముకొను;
  • grope in the dark, ph. చీకట్లో తడుముకొను; చీకట్లో చిందులాడు;
  • grope, v. t. తడుము; మరొకరి మర్మస్థానాలని చేతితో తడుము;
  • gross, adj. స్థూల; సాముదాయ;
  • gross body, ph. స్థూల శరీరం;
  • gross domestic product, ph. సాముదాయక దేశీ ఉత్పత్తి;
  • ground, adj. నూరిన; నూరబడ్డ; గుండ కొట్టబడ్డ;
  • ground, n. (1) నేల; భూమి; (2) ఆధారం;
  • ground breaking ceremony, ph. శంకుస్థాపన;
  • ground water, n. భూజలం; అంతర్వాహిని;
  • groundless, adj. నిరాధారమైన;
  • groundlings, n. pl. అలగా జనం; సాధారణ ప్రజ; సాదా మనుష్యులు;
  • groundnut, n. వేరుశనగ; పల్లికాయ;
  • grounds, n. (1) ఆధారం; కారణం; (2) ప్రాంగణం; (3) నూక; మొరం; పొడి;
  • group, adj. సమూహిక;
  • group, n. (1) గుంపు; గణం; కులం; రాసి; తతి; దండు; మేళం; బృందం; సమూహం; సందోహం; కురుంబం; పటలి; నికాయం; నిచయం; నివహం; కూటువ; [2] [Math.] ఒక సమితిలో ఏ రెండు సభ్యులని తీసుకుని ఒక ప్రక్రియ ద్వారా పుట్టించిన మూడవ సభ్యుడు కూడ ఆ సమితికే చెందితే ఆ ప్రక్రియతో కలసిన సమితిని గుంపు అంటారు. ఉదాహరణకి పూర్ణాంకములు, సంకలన ప్రక్రియ ఒక గుంపు అవుతుంది;
  • grout, n. బిళ్లసున్నం;
  • grove, n. తోట; తోపు; వనం; ఆరామం; వాటిక; వృక్షవాటిక;
    • sacred -, ph. దేవాలయాలకి సంబంధించిన వనాలు;
  • grow, v. i. పెరుగు; ఎదుగు; పెంపుచెందు; ప్రబలు; బలియు; తామర తంపరగు; కొనసాగు;
  • grow, v. t. పెంచు;
  • growth, n. పెరుగుదల; పెరుగుడు; ఎదుగుదల; వృద్ధి; అభ్యుదయం;
    • arithmetic -, ph. అంక వృద్ధి;
    • exponential -, ph. ఘాతీయ వృద్ధి;
    • geometric -, ph. గుణ వృద్ధి;
  • grudge, n. పగ; దీర్ఘకోపం;
    • hold a -, ph. పగపట్టు;
  • gruel, n. అంబలి; గంజి; జావ;
  • grunt, n. పంది చేసే గుర్రు శబ్దం;
  • grunter, n. పంది;
  • guarantee, n. జామీను; జామీను పత్రం; హామీ; పూచీ; జవాబుదారీ; భరోసా; పూటవాటు;
  • guana, n. ఉడుం; see also iguana;
  • guard, n. కాపలాదారు; కాపలా వాడు; కాపరి; కావలి వాడు;
  • guard, v. t. కాపలా కాయు; సంరక్షించు; కాపాడు;
  • guardian, n. పెద్దదిక్కు; సంరక్షకుడు;
  • guava, n. (గ్వువా, గ్వావా) జామ;
  • guava fruit, n. జామపండు;
  • guess, n. అంచనా; ఊహ; బద్దింపు; ఉజ్జాయింపు;
  • guess, v. i. అంచనావేయు; ఊహించు;
  • guest, n. అతిధి; భోజనానికి వచ్చిన వ్యక్తి;
    • unannounced -, ph. అభ్యాగతి; చెప్పకుండా భోజనానికి వచ్చిన వ్యక్తి;
  • guide, n. (1) చింతామణి; దారి చూపేది; దారి చూపే పుస్తకం; (2) దారి చూపే వ్యక్తి;
    • - to medicine, ph. వైద్య చింతామణి;
  • guided, adj. మార్గణ: వెతుక్కుంటూ వెళ్లే;
    • - missile, ph. మార్గణ క్షిపణి;
  • guidelines, n. మార్గదర్శకాలు; సూచనలు;
  • guile, n. మాయోపాయం;
  • guilt, n. దోషం;
  • guild, n. సంఘం; వణిజుల సమాజం;
  • guilty, n. దోషి; దోషులు;

---Usage Note: guilty, ashamed, embarrassed

  • ---Use guilty to say that someone is unhappy because s/he has done something that has harmed someone else: He felt guilty for always coming late to work. Use ashamed to say that someone feels disappointed with himself /herself about doing things that are wrong or unacceptable. Use embarrassed when someone is upset because s/he has done something that makes her / him feel silly.
గినీ కోడి_-Kruger_National_Park%2C_South_Africa-8a.jpg
రెండు గినీ పందులు
  • Guineafowl, n. గిన్ని కోడి; గినీ కోడి;
  • Guinea pig, n. గినీ పంది; బొచ్చు, చిన్న చెవులు ఉండి, తోక లేని, ఎలకని పోలిన చిన్న జంతువు; కొత్త మందులని ముందస్తుగా ఈ జంతువుల మీద ప్రయోగించి చూస్తూ ఉంటారు;
  • gulf, n. (1) సింధుశాఖ; సముద్రపు పాయ; (2) ఖేదం; వ్యత్యాసం;
  • gull, n. గౌరు కాకి;
  • gullet, n. కుత్తుక;
  • gullibility, n. అమాయకత్వం; సత్తికాలపుతనం;
  • gulp, n. గుక్కెడు;
  • gulp, v. t. మింగు; దిగమింగు;
  • gum, n.(1) బంక; చెట్ల నుండి కారే జిగురైన పదార్థం; (2) ఇగురు; చిగురు; పంటి చిగురు;
  • gum arabic, ph. తుమ్మబంక; తుమ్మచెట్ల నుండి కారే జిగురైన పదార్థం;
  • gumbo, n. బెండ;
  • gumption, n. చొరవ; ప్రపంచ జ్ఞానం; లోక జ్ఞానం; ధైర్యం; దమ్ములు;
  • gun, n. తుపాకి; తోపు;
    • fire a -, ph. తుపాకి కాల్చు;
    • load a -, ph. తుపాకి దట్టించు;
    • - powder, ph. అగ్నిచూర్ణం; తుపాకిమందు;
  • gunner, n. తోపుదారు; ఫిరంగి పేల్చే వ్యక్తి;
  • guru, n. (1) గురువు; (2) ప్రవీణుడు; సర్వజ్ఞుడు;
  • gush, v. i. చిప్పిలు;
  • gust, n. గాలితెర; తటాలున వీచే గాలి;
  • gut, n. పేగు; అంత్రం;
  • gutter, n. (1) కాలువ; జలదారి; ఒప్పరం; తూము; (2) ఇంటి కప్పుపై పడ్డ నీటిని కిందకి పారించే గొట్టం; (3) మురికి వాడ;
  • guts, n. [idiom] దమ్ములు; ధైర్యం; చొరవ; ప్రపంచ జ్ఞానం; లోక జ్ఞానం;
  • gutturals, n. కంఠ్యములు; కంఠం లోంచి పుట్టిన హల్లులు;
  • guzzle, v. t. గటగట తాగు;
  • guzzler, n. పెట్రోలుని గటగట తాగే కారు; పెట్రోలు పొదుపు లేని కారు;
  • gymkhana, n. [Indian English], జింఖానా; a British-Indian equivalent of an American country club; [ety.] derived from Urdu "gend-khana" meaning "ball-house"; probably the English word gymnasium was derived from this;
  • Gymnema sylvestre, n. [bot.] పొడ పత్రి;
  • gymnasium, n. మల్లశాల; వ్యాయామం చెయ్యడానికీ, ఆటలు ఆడుకోడానికి సదుపాయాలు ఉన్న స్థలం; జింఖానా;
  • gynecology, n. స్త్రీరోగశాస్త్రం;
  • gypsum, n. గోదంతి; హరశోఠం; ఒక రకం సున్నపురాయి; CaSO4·2H2O;
  • gyration, n. విఘూర్ణనం; బొంగరంలా తిరగడం; వర్తుల భ్రమణం;
  • gyrator, n. బొంగరం; విఘూర్ణి;
  • gyroscope, n. విఘార్ణిక; ఒక చట్రంలో గిరగిర తిరిగే బరువైన చక్రం; చక్రం ఉన్నా లేక పోయినా ఒక వేదికని నిలకడగా నిలపడానికి వాడే పనిముట్టు;

మూలం