"తెలుగులో సులువుగా టైపు చేసేందుకు, మీ క్రోమ్ బ్రౌజరు లో గూగుల్ లిప్యంతరీకరణ పద్ధతిని వాడవచ్చు."

గోల్‌మాల్ గోవిందం

From tewiki
Jump to navigation Jump to search
గోల్‌మాల్ గోవిందం
దస్త్రం:Golmaal Govindam VCD Cover.jpg
గోల్‌మాల్ గోవిందం విసిడి కవర్
దర్శకత్వంతాతినేని రామారావు
నిర్మాతఎ.వి. సుబ్బారావు
రచనచిలుకోటి కాశీ విశ్వనాథ్ (మాటలు)
స్క్రీన్ ప్లేతాతినేని రామారావు
కథమల్లాది వెంకట కృష్ణమూర్తి
ఆధారంగౌరి గణేష (1990)
నటులురాజేంద్ర ప్రసాద్
అనూష
సంగీతంకె. చక్రవర్తి
ఛాయాగ్రహణంహరి అనుమోలు
కూర్పుజె. కృష్ణస్వామి
బాలు
నిర్మాణ సంస్థ
ప్రసాద్ ఆర్ట్ ప్రొడక్షన్[1]
విడుదల
8 ఫిబ్రవరి 1992 (1992-02-08)
నిడివి
128 నిముషాలు
దేశంభారతదేశం
భాషతెలుగు

గోల్‌మాల్ గోవిందం 1992, ఫిబ్రవరి 8న విడుదలైన తెలుగు చలనచిత్రం. ప్రసాద్ ఆర్ట్ ప్రొడక్షన్[2] పతాకంపై ఎ.వి. సుబ్బారావు నిర్మాణ సారథ్యంలో తాతినేని రామారావు[3] దర్శకత్వం వహించిన ఈ చిత్రంలో రాజేంద్ర ప్రసాద్, అనూష జంటగా నటించగా, కె. చక్రవర్తి సంగీతం అందించాడు.[4] బాక్సాఫీస్ వద్ద ఈ చిత్రం పరాజయం పొందింది.[5] మల్లాది వెంకట కృష్ణమూర్తి రాసిన వెడ్డింగ్ బెల్ నవల ఆధారంగా రూపొందించబడిన గౌరి గణేష (1990) అనే కన్నడ సినిమాకి రిమేక్ ఇది.

కథా నేపథ్యం

గోల్‌మాల్ గోవిందం (రాజేంద్ర ప్రసాద్) చిన్నచిన్న మోసాలు చేస్తూ బతుకుతుంటాడు. ఒక రోజు, అతను ఉచిత వసతి, భోజనం కోసం ఆసుపత్రిగా వెలుతాడు. అక్కడ కుమారి (శ్రీ భాను) అనే అమ్మాయి గుండెపోటుతో మరణిస్తుంది. గోవిందం ఆమె వస్తువులను తీసుకొని వాటినుండి కొంత డబ్బు సంపాదించాలని నిర్ణయించుకుంటాడు. ఆ వస్తువులలో కుమారి డైరీని దొరుకుతుంది. తన జీవితాన్ని మార్చిన ముగ్గురు వ్యక్తుల గురించి కుమారి అందులో రాసింది. మొదటి వ్యక్తి ఆమె మాజీ బాస్ మన్మధరావు (గిరి బాబు), ఆమెను తనతో ఒకరోజు గడుపమన్నాడు. రెండవ వ్యక్తి రాజశేఖర్ (దిలీప్), తన తల్లిదండ్రులకు చూపించడానికి తన భార్యగా నటించాలని అందుకు బదులుగా ఆమెకు గుండె చికిత్స కోసం డబ్బులు ఇస్తానంటాడు. మూడవవ్యక్తి సుధాకర్ (సుధాకర్) రాజశేఖర్ స్నేహితుడు. తాగిన మైకంలో కుమారిని అనుభవించానని అనుకుంటాడు. నిజం ఏమిటంటే ఈ ముగ్గురిలో ఎవరికీ ఆమెతో శారీరక సంబంధం లేదు. ఈ ముగ్గురి నుండి డబ్బును తీపుకునేందుకు గోవిందం ఒక ప్రణాళికను రూపొందిస్తాడు. కుమారి ఒక కొడుకుకు జన్మనిచ్చిందని, అతనికి గోపాల్ అని పేరు పెట్టారని గోవిందం వారికి ఉత్తరాలు రాస్తాడు. ఆ ముగ్గురూ ఒకే రోజు గోవిందంను కలవడానికి వస్తారు. దాంతో అనాథాశ్రమం నుండి గణపతి (మాస్టర్ ఆనంద్) అనే పిల్లవాడిని తీసుకువచ్చి గోల్‌మాల్ డ్రామా ఆడటం ప్రారంభిస్తాడు.

నటవర్గం

సాంకేతికవర్గం

  • చిత్రానువాదం, దర్శకత్వం: తాతినేని రామారావు
  • నిర్మాత: ఎ.వి. సుబ్బారావు
  • మాటలు: చిలుకోటి కాశీ విశ్వనాథ్
  • కథ: మల్లాది వెంకట కృష్ణమూర్తి
  • ఆధారం: గౌరి గణేష (1990)
  • సంగీతం: కె. చక్రవర్తి
  • ఛాయాగ్రహణం: హరి అనుమోలు
  • కూర్పు: జె. కృష్ణస్వామి, బాలు
  • నిర్మాణ సంస్థ: ప్రసాద్ ఆర్ట్ ప్రొడక్షన్

పాటలు

Untitled

ఈ చిత్రానికి కె. చక్రవర్తి సంగీతం అందించాడు. సిరివెన్నెల సీతారామశాస్త్రి పాటలు రాశాడు. లియో ఆడియో కంపెనీ ద్వారా పాటలు విడుదలయ్యాయి.[6]

సంఖ్య. పాటగాయకులు నిడివి
1. "గోల్‌మాల్ గోవిందం"  ఎస్.పి. బాలసుబ్రహ్మణ్యం 4:29
2. "ఏం తాపమో"  మనో, ఎస్.పి. శైలజ 4:29
3. "అందంలో చందురుడు"  ఎస్.పి. బాలసుబ్రహ్మణ్యం 4:35
4. "డాడీ డాడీ"  ఎస్.పి. శైలజ 4:46
మొత్తం నిడివి:
 18:19

మూలాలు

  1. ↑ "Golmaal Govindam (Overview)". IMDb.
  2. ↑ "Golmaal Govindam (Banner)". Chitr.com.
  3. ↑ "Golmaal Govindam (Direction)". Telugu Cinema Profile.
  4. ↑ "Golmaal Govindam (Cast & Crew)". gomolo.com.
  5. ↑ "Golmaal Govindam (Review)". The Cine Bay.
  6. ↑ "Golmaal Govindam (Songs)". Cineradham.[permanent dead link]

ఇతర లంకెలు

Retrieved from "https://tewiki.iiit.ac.in/index.php?title=గోల్‌మాల్_గోవిందం&oldid=234347"