"తెలుగులో సులువుగా టైపు చేసేందుకు, మీ క్రోమ్ బ్రౌజరు లో గూగుల్ లిప్యంతరీకరణ పద్ధతిని వాడవచ్చు."

పునీత్ రాజ్‌కుమార్

From tewiki
Jump to navigation Jump to search
పునీత్ రాజ్‌కుమార్
జననం (1975-03-17) మార్చి 17, 1975 (వయస్సు 46)
ఇతర పేర్లు పవర్ స్టార్, అప్పు
క్రియాశీలక సంవత్సరాలు 2002–ప్రస్తుతం
భార్య/భర్త అశ్విని రేవనాథ్

పునీత్ రాజ్‌కుమార్ (కన్నడ: ಪುನೀತ್ ರಾಜ್‍ಕುಮಾರ್) కన్నడ సినిమాలలో నటించే ఒక భారతీయ చిత్ర నటుడు మరియు కన్నడ సూపర్‌స్టార్ డాక్టర్ రాజ్‌కుమార్ చిన్న కొడుకు మరియు ప్రముఖ కన్నడ చలనచిత్ర నటుడు శివరాజ్ కుమార్ చిన్న సోదరుడు. బాల నటుడిగా ఇతడు 12 చిత్రాలలో కనిపించాడు. ఇతడు 1986లో బెట్టడ హావు చిత్రానికి ఉత్తమ బాల నటుడిగా జాతీయ సినీ అవార్డ్ గెల్చుకున్నాడు.[1]

1980లలో బాలనటుడిగా చిత్రాలలో కనిపించిన తర్వాత, పునీత్ రాజ్‌కుమార్ అప్పులో ప్రధాన పాత్రతో తొలి సినిమాలో నటించాడు. ఈ సినిమా భారీ విజయం సాధించింది. ఇతడు ఆకాష్ (2005), అరసు (2007), మిలనా (2007) మరియు వంశీ (2008) వంటి చిత్రాలలో నటనకు పేరు ప్రఖ్యాతులు పొందాడు, ఇవి అతడి వృత్తి జీవితంలో వ్యాపార పరంగా అతి పెద్ద విజయాలు సాధించిన చిత్రాలుగా నిలిచాయి.

2007లో, అరసు[2] చిత్రంలో నటనకు ఫిల్మ్‌ఫేర్ అవార్డు పొందాడు, 2008లో మిలనా సినిమాలో నటనకు కర్నాటక ప్రభుత్వ ఉత్తమ నటుడి అవార్డు[3] గెల్చుకున్నాడు.

ప్రస్తుతం ఇతడు కన్నడ సినీ పరిశ్రమలో అత్యధిక పారితోషకం తీసుకుంటున్నాడు.[4] ఇతడు వాణిజ్యపరంగా అత్యంత విజయవంతమైన చిత్రాలను కలిగి ఉన్నాడు, థియేటర్లలో కనీసం 100 రోజులు ఆడిన 14 సినిమాలు ఇతడివే కావడం విశేషం.

జీవితచరిత్ర

కన్నడ చిత్ర పరిశ్రమ సూపర్ స్టార్ డాక్టర్ రాజ్‌కుమార్ మరియు నిర్మాత పార్వతమ్మ రాజ్‌కుమార్ దంపతులకు లోహిత్‌గా పుట్టినవాడే పునీత్ రాజ్‌కుమార్. ఇతడు వీరికి కలిగిన అయిదవ మరియు చిన్న పుత్రుడు.

ఆరునెలల వయసులోనే ఇతడు తన చిత్ర జీవితాన్ని ప్రారంభించాడు (చిత్రం: ప్రేమద కనికె).[5] అనేక సినిమాలలో ఇతడు తన నిజమైన తండ్రికి పుత్రుడిగా కనిపించాడు. చాలా చిన్న వయసులో ఇతడు పాఠశాలను వదిలిపెట్టి సినిమాలలో నటించడం ప్రారంభించాడు. ఇతడు తన ఇంటిలోనే ప్రైవేట్ టీచర్ వద్ద చదువుకున్నాడు. తర్వాత కంప్యూటర్ సైన్స్‌లో ఇతడు డిప్లొమా తీసుకున్నాడు.

తర్వాత చిత్ర పరిశ్రమలలో ప్రధాన పాత్రలలో అడుగుపెట్టడానికి ముందు ఇతడు గనుల వ్యాపారంలో తన వృత్తి జీవితాన్ని ప్రారంభించాడు. హీరోగా తన తొలి సినిమాలో నటించడానికి ముందు ఇతడు మూడేళ్లపాటు డ్యాన్స్ మరియు ఫైటింగ్‌లో శిక్షణ పొందాడు.

సినిమాలలో ప్రవేశించడానికి ముందు పునీత్ పురాతన భారతీయ యుద్ధ కళలులో ఒకటైన కలరిప్పయట్టులో శిక్షణ పొందాడు.

నటుడిగా ప్రవేశం

వాస్తవానికి వసంత గీతె చిత్రంతో ఇతడి నట జీవితం ప్రారంభమైంది, 5 సంవత్సరాల వయస్సులోనే ఇతడు ఈ సినిమాలో చక్కటి నటన ప్రదర్శించాడు[6]. ఈ సినిమా తర్వాత ఇతడు 1980-1984 మధ్య మరిన్ని పాపులర్ సినిమాలలో నటించాడు. 1985లో ఇతడు "బెట్టద హోవు" చిత్రంలో నటించి, ఉత్తమ బాల నటుడిగా జాతీయ సినీ అవార్డును సాధించాడు.

బాల నటుడు

బాల నటుడిగా ఇతడు 12 సినిమాలలో నటించాడు: వసంత గీతె, భాగ్యవంత, హొస బెలకు, చలిసువు మొదగలు, భక్త ప్రహ్లాద, ఎరడు నక్షత్రగళు, బెట్టద హోవు, యారివను, శివ మెచ్చిద కన్నప్ప, పరశురామ్ మరియు సనాది అప్పన్న.

ప్రధాన పాత్ర

2002లో ఇతడు అప్పు సినిమాతో తిరిగి చిత్ర పరిశ్రమలోకి హీరోగా ప్రవేశించాడు. ఇది తెలుగులో ఇడియట్‌ గా మరియు తమిళంలో దమ్‌ గా పునర్నిర్మించబడింది. ఇతడు అరసు మరియు మిలనా చిత్రాలకు అవార్డులు అందుకున్నాడు. అరసు చిత్రంలో తను ధరించిన పాత్రకు ఇతడు ఫిల్మ్ ఫేర్ ఉత్మమ నటుడిగా అవార్డు పొందాడు, మిలనా సినిమాలో నటనకు కర్నాటక రాష్ట్ర ఉత్తమ నటుడి అవార్డును పొందాడు. మిలనా సినిమా కర్నాటకలో 37 కేంద్రాలలో 50 రోజులపాటు ఆడింది, 5 కేంద్రాలలో 100 రోజులు ఆడింది[7]. బెంగళూరులోని PVR సినిమాస్ ధియేటర్‌లో 2008 సెప్టెంబర్‌లో ఇది 1 సంవత్సరం పాటు ప్రదర్శించబడి రికార్డు నెలకొల్పింది. 2009లో ఇతడు రాజ్-ది షోమన్ చిత్రంలో నటించాడు, ఇది విమర్శకుల నుండి మిశ్రమ స్పందనలను పొందింది కాని బాక్సాఫీసు వద్ద విజయం సాధించింది. ఆ సంవత్సరంలో ఇతడు నటించిన మరొక సినిమా రామ్ కూడా బాక్సాఫీస్ వద్ద విజయం పొందింది[8]. 2010లో పృధ్వి సినిమా విడుదలై 100 రోజులు పూర్తి చేసుకుంది[9]. కర్నాటకలో ప్రస్తుతం నడుస్తున్న రాజకీయాలను సాహసోపేతంగా చిత్రించినందుకు ఈ సినిమా విమర్శకులు అభినందనలు అందుకుంది.[10]

గాయకుడిగా జీవితం

నటనతో పాటు పునీత్ గాయకుడిగా కూడా కెరీర్ కలిగి ఉన్నాడు. బాలనటుడిగా తను నటించిన అన్ని చిత్రాలలోనూ ఇతడూ చిన్నప్పటినుంచే పాడాడు, తర్వాత కథానాయకుడిగా సినీజీవితం ప్రారంభించినప్పుడు కూడా ఇతడు తన అన్ని సినిమాలలో కనీసం ఒక పాట అయినా పాడి ఉన్నాడు.

తన సినిమాలలో ఒక పాటను అతడి స్వరంతో రికార్డు చేయడం సంగీత దర్శకులకు అలవాటైపోయింది, ఇతడి పాటలలో చాలావరకు ప్రజలను ఆకట్టుకున్నాయి. తొలి చిత్రం అప్పు నుంచి ఇతడు ప్రధానంగా సోలో పాటలకు తన స్వరాన్ని ఉపయోగించాడు. వంశీ సినిమాలో జోతే జోతియలి పాటతో ఇతడు యుగళ గీతాలు కూడా పాడటం మొదలెట్టాడు ఇది 2008లో హిట్ పాటగా నమోదయింది [11].

ఇతర కార్యకలాపాలు

చిత్ర పరిశ్రమలో ప్రవేశించడానికి ముందు, ఇతడు కర్నాటకలో స్వంత బ్యానర్ వజ్రేశ్పరీ కంబైన్స్ ఫిలిం డిస్ట్రిబ్యూషన్‌లో పనిచేశాడు, ఇది ఇప్పటికీ పనిచేస్తోంది. తన సోదరులు శివరాజ్ కుమార్ మరియు రాఘవేంద్ర రాజ్‌కుమార్‌ల కోసం కొన్ని సినిమాలను నిర్మించాడు. ఇతడు రెండు TV సీరియళ్లను కూడా నిర్మించాడు.

అక్షమిక చిత్రంలో ఇతడు డాక్టర్ రాజ్‌కుమార్ దుస్తులను రూపొందించాడు.

పునీత్‌కు స్టడీకామ్‌పై అవగాహన ఉంది, స్టంట్‌లు మరియు కార్ ఛేజింగ్‌లు వంటి దృశ్యాలను చిత్రీకరించడానికి దీన్ని సినిమాలలో ఉపయోగిస్తారు. సినిమాలకోసం కొత్త బ్రాండ్ కెమెరాలు, హై డెఫినిషన్ లెన్స్‌లను గురించి తెలుసుకోవడం ఇతడికి అలవాటైన విద్య.

తన తండ్రి డాక్టర్ రాజ్‌కుమార్ ఆకాంక్షల మేరకు, తన సోదరులు, కుటుంబంతో కలిసి ఇతడు బెంగళూరులోని గాంధీ నగర్‌లో డాక్టర్ రాజ్ ఇంటర్నేషనల్ పేరిట ఒక హోటల్ నిర్మించాడు.[12]

తన తల్లి పార్వతమ్మ రాజ్‌కుమార్‌తో కలిసి పునీత్ దాతృత్వ కార్యకలాపాలలో కూడా పాలు పంచుకున్నాడు మైసూరులోని శక్తి ధామ ఆశ్రమాన్ని నిర్వహిస్తున్నాడు.

బ్రాండ్ ఒప్పందాలు

ఇతడు fస్క్వేర్, మలబార్ గోల్డ్[13], మన్నపురం [14] లకు మరియు "DHEE" అని పిలువబడుతున్న డ్యాన్ష్ షోకి బ్రాండ్ అంబాసిడర్‌గా వ్యవహరిస్తున్నాడు. అలాగే ప్రభుత్వ ఆధ్వర్యంలోని కర్నాటక మిల్క్ ఫెడరేషన్‌ ఉత్పత్తి "నందిని"కి ఎలాంటి ప్రతిఫలం లేకుండా బ్రాండ్ అంబాసిడర్‌గా వ్యవహరించాలని అతడు తీసుకున్న నిర్ణయం మీడియా, అభిమానుల ప్రశంసలను అందుకుంది.[15][16]. దశాబ్దాల క్రితం తన తండ్రి డాక్టర్ రాజ్‌కుమార్ కూడా ఎలాంటి ప్రతిఫలం లేకుండానే "నందిని" పాల ఉత్పత్తులకు బ్రాండ్ అంబాసిడర్‌గా వ్యవహరించాడు, కర్నాటక రాష్ట్రంలో ఇతర ప్రాంతాలలో కూడా KMF ఉత్పత్తుల అమ్మకాలు పెరగడానికి ఇది దోహదపడింది[17].

ఇతడు ఇప్పుడు IPL టీమ్ అయిన రాయల్ ఛాలెంజర్స్ బెంగళూరు అంబాసిడర్‌గా ఉన్నాడు.[18] 2008 మరియు 2009లో టీమ్ బ్రాండ్ అంబాసిడర్‌గా ఉన్న ఉపేంద్ర స్థానంలో పునీత్ వచ్చాడు.

ఫిల్మోగ్రఫీ

బాల నటుడు వలె

సంవత్సరాలు చలన చిత్రం పాత్ర గమనికలు
1976 ప్రేమద కనికే బాల నటుడు
1977 సనాది అప్పన్న బాల నటుడు
1980 వసంత గీత ష్యాం
1981 భాగ్యవంత కృష్ణ
1982 హొస బెలకు పుట్టు
చలిసువ మోడగలు రాము
1983 భక్త ప్రహ్లాద ప్రహ్లాద
ఎరడు నక్షత్రగాలు రాజా
1984 యారివను ష్యాం
1985 బెట్టడ హూవు రాము విజేత , ఉత్తమ బాల నటుడు కై నేషనల్ ఫిలిం అవార్డు
1989 పరశురామ అప్పు

| ప్రధాన పాత్ర

సంవత్సరాలు చలన చిత్రం పాత్ర గమనికలు
2002 అప్పు అప్పు 300 రోజులు
2003 అభి అభి 150రోజులు
2004 వీర కన్నడిగా మున్నా 100 రోజులు
మౌర్య మను 100 రోజులు
2005 ఆకాష్ ఆకాష్ 200 రోజులు
నమ్మ బసవ బసవ 100 రోజులు
2006 అజయ్ అజయ్ 100 రోజులు
2007 అరసు శివరాజ్ యువర్స్ 125 రోజులు
విజేత, ఫిలింఫేర్ ఉత్తమ నటుడి పురస్కారం
మిలన ఆకాష్ 450 రోజులు
విజేత , కర్ణాటక స్టేట్ ఉత్తమ నటుడి పురస్కారం
[19]
2008 బిందాస్ షివు 100 రోజులు
వంశీ వంశీ 100 రోజులు
2009 రాజ్ - ది షోమాన్ ముత్తురాజ్ 100 రోజులు [20]
విజేత , ఉత్తమ నటుడి పురస్కారం
రామ్ రామ్ 175 రోజులు[21]
2010 ప్రిథ్వి ప్రిథ్వి కుమార్ 100 రోజులు[22]
మలయాళం లోకి అనువదించబడినది[23]
జాకీ జానకిరామ అలియాస్ జాకీ సూపర్ హిట్, బ్లాక్ బస్టర్ అఫ్ ది యియర్ 2010[24]

నేపథ్య గానం

సంవత్సరాలు చలన చిత్రం పాట
1981 భాగ్యవంత బాన దారియల్లి సూర్య జారి హొద
1982 చలిసువ మోడగలు కానదంటే మాయ్వాదనో
1983 భక్త ప్రహ్లాద నారాయణ హరి నారాయణ
ఎరడు నక్షత్రగాలు నాన్న ఉడుపు నిన్నడు నిన్న ఉడుపు నన్నాడు
1985 యారివను ఆకాశదే హారదువ & కన్నిగే కనువ దేవరు
1986 బెట్టడ హూవు బిసిలే ఎరలి మలేయే బరలి
1989 పరశురామ కడ్రే తప్పు కొన్డ్రే తప్పు
2002 అప్పు తాలిబాన్ అల్లా అల్లా
2003 అభి మామ మామ మజ మాడు
2004 వీర కన్నడిగా వీర కన్నడిగా నైరే నైరే నైనైరే బాబా
మౌర్య సింపుల్ హాగ్ హేల్తిన్ కేలే
రిషి బండలూర భండరెల్ల బండు కెలి భంగడ
2005 ఆకాష్ హొడి హొడి హొడి హొడి డోలు హొడి
నమ్మ బసవ రుక్కు రుక్కు రుక్కమ్మ
2007 లవ కుశ హోటప్ప హోట్టు సక్కతు హోట్టు
2008 బిందాస్ బెంగలూరు మంగలూరు ఎల్లె హోద్రు బిందాస్
వంశీ జోతె జోతేయాలి ప్రీతీ జోతేయాలి
2009 రామ్ హొస గాన బజానా
2010 జాకీ ఎదవత్తిటు
2010 మైలరి నమ్మ మైలరి

వ్యక్తిగత జీవితం

ఆయన 24వ వయసు లో అశ్విని రేవనాథ్ ని వివాహం చేసుకున్నారు మరియు ఆయనకు ఇద్దరు కూతుర్లు ద్రుతి, వందిత ఉన్నారు.

పురస్కారాలు మరియు గౌరవాలు

నేషనల్ అవార్డ్స్

  • 1986 బెట్టడ హూవు చిత్రం లో ఉత్తమ బాల నటుడు కై నేషనల్ ఫిలిం అవార్డ్

స్టేట్ అవార్డ్స్

  • 2008 మిలన చిత్రంలో ఉత్తమ నటుడు కై కర్ణాటక స్టేట్ ఫిలిం అవార్డ్

ఫిలిం ఫేర్ అవార్డ్స్

  • ఫిలిం ఫేర్ బెస్ట్ యాక్టర్ అవార్డ్ - అరసు - 2006

ఇతర అవార్డులు

  • గ్రేట్ సన్ అఫ్ కర్ణాటక
  • రామ్ చిత్రానికి AKKA బెస్ట్ యాక్టర్ అవార్డ్
  • ఏక్ష్సలేంట్ డాన్సర్ అవార్డ్
  • 2010 సౌత్ స్కోప్ - రాజ్-ది షోమాన్ చిత్రాలకు బెస్ట్ యాక్టర్ అవార్డ్

సూచనలు

  1. ↑ Shivkamal, Aravind G (2010-06-29). "Puneet Rajkumar: The impeccable aura of the Powerstar continues to dazzle". Southscope.in. Retrieved 2010-08-26.
  2. ↑ "Filmfare". Gyanguru.org. 2007-08-05. Retrieved 2010-05-30.
  3. ↑ "Karnataka State Film Awards 2007-08 - GGpedia Kannada Films Database". Wiki.gandhadagudi.com. 2009-04-07. Retrieved 2010-05-30.
  4. ↑ Suresh, Sunayana (2009-10-11). "Puneet Rajkumar says he's the least paid actor...he has 2.25 cr reasons to be sad". DNA. Sunday; Mumbai.
  5. ↑ "Puneet". Powerstarappu.com. Retrieved 2010-05-30.
  6. ↑ [1]
  7. ↑ "`Milana` completes 50 days!". Sify.com. 2007-11-05. Retrieved 2010-05-30.
  8. ↑ [2]
  9. ↑ [3]
  10. ↑ "Prithvi is a treat for Puneet fans: Rediff.com Movies". Movies.rediff.com. 2010-04-23. Retrieved 2010-08-26.
  11. ↑ [4]
  12. ↑ "Dr Rajkumar International Hotel Bangalore hotel in Bangalore, India - Dr Rajkumar International Hotel Bangalore travel guide". tripwolf. 2009-12-31. Retrieved 2010-08-26.
  13. ↑ "The Hindu - Puneet Rajkumar is brand ambassador of Malabar Gold". Ddd.in.com. 2009-07-31. Retrieved 2010-08-26.
  14. ↑ "MANAPPURAM FINANCE - Gold Loan | Loan against Gold Ornaments | Loan against Gold Jewellery | Jewel Loan". Manappuram.com. 2010-03-31. Retrieved 2010-08-26.
  15. ↑ "Puneet is KMF brand ambassador". Deccanherald.com. Retrieved 2010-08-26.
  16. ↑ "Puneeth Rajkumar | KMF | Brand Ambassador | G Somasekar Reddy | Nandini Milk | ಕೆಎಂಎಫ್ ಪ್ರಚಾರ ರಾಯಭಾರಿ ಪುನೀತ್". Thatskannada.oneindia.in. Retrieved 2010-08-26.
  17. ↑ [5]
  18. ↑ "Brand Ambassador". Chitraloka.com. 2010-04-20. Retrieved 2010-05-30.
  19. ↑ "Puneeth Rajakumar In". Maja.up-with.com. Retrieved 2010-08-26.
  20. ↑ "Kannada Film Discussion Forum | • View topic - RAAJ - Appu's Century Streak continues". Sizzlingstar.co.in. Retrieved 2010-08-26.
  21. ↑ "Kannada Film Discussion Forum | • View topic - Raam Box Office". Sizzlingstar.co.in. Retrieved 2010-08-26.
  22. ↑ "Kannada Film Discussion Forum | • View topic - PRITHVI towards 100 Days in PVR". Sizzlingstar.co.in. Retrieved 2010-08-26.
  23. ↑ "'Prithvi' to Malayalam - Kannada Movie News". IndiaGlitz. Retrieved 2010-08-26.
  24. ↑ పునీత్స్ జాకీకు విమర్శకుల నుండి తబ్బిబ్బులాంటి రివ్యులు వచ్చాయి

Lua error in మాడ్యూల్:Authority_control at line 369: attempt to index field 'wikibase' (a nil value).

Retrieved from "https://tewiki.iiit.ac.in/index.php?title=పునీత్_రాజ్‌కుమార్&oldid=74062"