మాయా మచ్ఛీంద్ర

మాయా మచ్చీంద్ర (1945 తెలుగు సినిమా)
200px
దర్శకత్వం	పి.పుల్లయ్య
రచన	ఊటుకూరి సత్యనారాయణరావు
తారాగణం	కన్నాంబ, జంధ్యాల గౌరీనాథశాస్త్రి, అద్దంకి శ్రీరామమూర్తి, మాలతి, వల్లభజోస్యుల శివరాం, కళ్యాణి, సుందరమ్మ, గౌరీపతిశాస్త్రి, ముక్కామల కృష్ణమూర్తి
సంగీతం	భీమవరపు నరసింహారావు
ఛాయాగ్రహణం	ఎస్.నాయక్
నిర్మాణ సంస్థ	ఫేమస్ సినీ & స్టార్ కంబైన్స్
భాష	తెలుగు

మాయా మచ్ఛీంద్ర 1945లో విడుదలైన తెలుగు చలనచిత్రం. సి. పుల్లయ్య దర్శకత్వంలో స్టార్‌ కంబైన్స్‌ పతాకాన రామయ్య నిర్మించాడీ చిత్రాన్ని. మాటలు పాటలు వూటుకూరు సత్యనారాయణ. సంగీతం భీమవరపు నరసింహరావు, ఛాయాగ్రహణం సుబ్బారావు సమకూర్చారు. జంధ్యాల గౌరీనాథశాస్త్రి, అద్దంకి శ్రీరామమూర్తి, ముక్కామల కృష్ణమూర్తి, వి.శివరాం, కె. గౌరీపతి శాస్త్రి, కె.వి.సుబ్బారావు, వి.విశ్వనాథం, గండికోట, కన్నాంబ, మాలతి, మంగళం, జోషి, కళ్యాణి, కమల, అంజనీబాయి, బేబి వసుంధర, బేబి శరత్‌ ముఖ్యపాత్రలు పోషించారు.

కథా సంగ్రహం

జగత్తు ప్రేమమయం అని, స్త్రీ పురుషులు ఇరువురూ సమానులే అని, ఒకరి ప్రేమ అభిమానం మరొకరికి దక్కితేనే ఆనంద హేతువు అవుతుందని వివరించే చిత్రం మాయామచ్ఛీంద్ర. మోహినీ అవతారం ఎత్తిన మహావిష్ణువు దేవదానవులకు అమృతం పంచడం గురించి తెలిశాక శివుడు ఆ విషయాన్ని నమ్మకపోవడంతో మళ్ళీ మోహిని కానడం, శివుడు శపించి, తన వల్లనే శాప విమోచన జరుగుతుందని చెప్పడం, విష్ణువు మచ్ఛీంద్రుడుగా భూలోకంలో చేరడం జరుగుతుంది. మచ్ఛీంద్రుడు చేసే మాయలతో ఓడిపోయిన రాణి తిలోత్తమతో వివాహం జరుగుతుంది. మచ్ఛీంద్రుని శిష్యుడు గోరఖ్‌నాథ్‌ గురువు కోసం వెతుకుచూ హనుమంతుని ద్వారా విషయం తెలుసుకుని, రాజనర్తకి సహాయంతో రాజ్యంలోకి ప్రవేశించి మచ్ఛీంద్రుని తీసుకెళ్ళే ప్రయత్నంలో మచ్ఛీంద్రుని కుమారున్ని పాము కాటుకు గురి చేసి మరణింప చేయడం, మచ్ఛీంద్రుడు తన శక్తితో ప్రయత్నించినా కుమారుడు బతకకపోవడంతో గోరఖ్‌నాథ్‌ షరతులకు తలొగ్గుతాడు. గోరఖ్‌నాథ్‌ కూడా మచ్ఛీంద్రుని కుమారుడుని బతికించలేక, అవమానంతో అగ్నికి ఆహుతి అయితే హనుమంతుడు ఆ శవాన్ని బయటకు తెచ్చాక మచ్ఛీంద్రుడు గోరఖ్‌నాథుడుకి ప్రాణం పోస్తాడు. బతికిన గోరఖ్‌నాథ్‌ మళ్లీ ప్రయత్నించి మచ్ఛీంద్రుని కుమారుని బతికిస్తాడు. అలా శివునికి, లక్ష్మీదేవికి మహావిష్ణువు ప్రేమ తత్వాన్ని వివరిస్తాడు ఈ చిత్రం ద్వారా.