సుందరకాండ (2008 సినిమా)

From tewiki
Jump to navigation Jump to search
సుందరకాండ
(2008 తెలుగు సినిమా)
దర్శకత్వం బాపు
కథ ముళ్ళపూడి వెంకటరమణ
తారాగణం అల్లరి నరేష్, చార్మీ కౌర్, రంగనాథ్, కోట శ్రీనివాసరావు, సంగీత, రాళ్ళపల్లి, కొండవలస లక్ష్మణరావు
నిర్మాణ సంస్థ చైత్ర సినిమా సర్క్యూట్
భాష తెలుగు
ఐ.ఎమ్.డీ.బి పేజీ

సుందరకాండ బాపు దర్శకత్వం వహించిన 2008 నాటి చిత్రం. అల్లరి నరేష్, చార్మీ కౌర్ ప్రధాన పాత్రల్లో నటించారు.[1] కథ ముళ్ళపూడి రమణ, సంగీతం విద్యాసాగర్ అందించారు. ఈ చిత్రం హాలీవుడ్ చిత్రం వాట్ ఎ గర్ల్ వాంట్స్ (2003) కు రీమేక్.

కథ

పింకీ ( చార్మి ) సీత ( ప్రేమ) కుమార్తె. ఆమె తన భర్తకు దూరంగా ఉంటుంది. పింకీ పట్టుబట్టడంతో, సీత గతాన్ని వెల్లడిస్తుంది. ఆమె ఒక గిరిజన గ్రామానికి అధ్యయనానికి వెళ్ళినపుడు జమీందార్ సురేంద్ర వర్మ ( రంగనాథ్ ) కుమారుడు రాజా రవివర్మ (సునీల్ శర్మ) ను కలుస్తుంది. వారు ప్రేమలో పడతారు. అక్కడికక్కడే పెళ్ళి చేసుకుంటారు. తన కొడుకు పెళ్ళి సురేంద్ర వర్మకు ఎంతటి షాక్ ఇచ్చిందంటే, అతడి కాళ్ళు పడీపోతాయి. కుటుంబ గౌరవాన్ని కాపాడటానికి రవివర్మ తల్లి భారతి ( సంగీత ) సీతను ప్యాలెస్ వదిలి వెళ్ళమని వేడుకుంటుంది. సీత వెళ్ళిన తరువాత, సురేంద్ర వర్మ బావ భూషణం (వైజాగ్ ప్రసాద్), సీత ప్యాలెస్ నుండి బంగారు ఆభరణాలను దొంగిలించి తీసుకుపోయిందని నానాయాగీ చేస్తాడు. తన భర్త దృష్టిలో కూడా చాలా అపఖ్యాతి పాలైన ఆమె, దూరంగా ఉండిపోయింది.

ఇప్పుడు, పింకీ తన తల్లిదండ్రులను తిరిగి కలపడానికి చేసిన ప్రయత్నాల చుట్టూ కథ తిరుగుతుంది. ఆమె తన తండ్రి కుటుంబంతో స్నేహం చేయడానికి ప్రయత్నిస్తుంది. మంత్రి పదవికి అభ్యర్థిని ఎంపిక చేయడానికి పార్టీ ఉన్నతాధికారులు పంపినట్లు ఆమె నటిస్తుంది. నరేష్ ( అల్లరి నరేష్ ) అనే జర్నలిస్ట్ సహాయంతో ఆమె ఈ రాజకీయ పోరాటంలో పాల్గొంటుంది. ఆమె తండ్రి ప్రత్యర్థి కోట ( కోట శ్రీనివాసరావు ) కూడా ముఖ్యమంత్రి పదవికి అభ్యర్థే. అతని సహచరులు కామెడీని, రాజకీయ వ్యంగ్యాన్ని అందిస్తారు. కుటుంబాన్ని తిరిగి కలపడంలో, విలన్లను బహిర్గతం చేయడంలో ఆమె విజయవంతమవుతుంది. గిరిజన ఇడియమ్‌ను గుర్తుచేసే సాహిత్యంతో సంగీతం ఒక ట్రీట్.  

తారాగణం

పాటలు

నం పాట గాయనీ గాయకులు నిడివి
1 "ఆకు వక్కా" ఎస్పీ శైలజ, అల్కా యాగ్నిక్, సుజాత 4.24
2 "ఒకటో ఏటా రెండో ఏట" చిత్ర 2:43
3 "ఎలూ ఎలూ వుయాలా" సాధన సర్గం 3:38
4 "కలగంటిని అమ్మ" చిత్ర 3:43
5 "హాంఫట్టే దేవుడండి" ఎస్పీ బాలసుబ్రహ్మణ్యం 3:30

మూలాలు

  1. "Sundarakanda (2008) | Sundarakanda Movie | Sundarakanda Telugu Movie Cast & Crew, Release Date, Review, Photos, Videos". FilmiBeat (in English). Retrieved 2020-08-19.