అనిల్ మల్నాడ్

From tewiki
Revision as of 13:50, 16 October 2020 by imported>ChaduvariAWBNew (AWB తో వర్గం చేర్పు, typos fixed: అక్టోబర్ → అక్టోబరు)
(diff) ← Older revision | Latest revision (diff) | Newer revision → (diff)
Jump to navigation Jump to search
జి. ఆర్. అనిల్ మల్నాడ్
జననం
జి. ఆర్. దత్తాత్రేయ

1957 అక్టోబర్ 12
మల్నాడ్, కర్ణాటక, భారతదేశం
మరణం2018 మార్చి 19(2018-03-19) (వయస్సు 60)
చెన్నై, తమిళనాడు, భారతదేశం
వృత్తిసినిమా ఎడిటర్

జి. ఆర్. అనిల్ మల్నాడ్ (1957 అక్టోబరు 12 - 2018 మార్చి 19) భారతీయ సినిమా ఎడిటర్.[1][2] తెలుగు, తమిళ, ఒడియా, తదితర భాషల సినిమా రంగాల్లో 200 పైచిలుకు సినిమాలుక ఎడిటర్‌గా పనిచేశాడు. సితార సినిమా ఎడిటింగ్‌కు గాను 1984 జాతీయ చలనచిత్ర పురస్కారాల్లో ఉత్తమ ఎడిటర్‌గా పురస్కారం అందుకున్నాడు.

జీవిత చరిత్ర

అనిల్ మల్నాడ్ అసలు పేరు జి.ఆర్.దత్తాత్రేయ. కర్ణాటకలోని మల్నాడ్ ప్రాంతంలో జన్మించాడు.

సినిమాటోగ్రఫీ కోర్సు నేర్చుకుందామనే ఆలోచనతో చెన్నై చేరుకున్న అనిల్‌కు ఆ కోర్సులో సీటు దొరకకపోవడంతో దర్శకత్వ విభాగంలో పనిచేయడానికి ప్రయత్నాలు చేశాడు. 1971లో బాపు దర్శకత్వం వహించిన సంపూర్ణ రామాయణం సినిమాకు సహాయ దర్శకుడిగా తన సినిమా కెరీర్ ప్రారంభించాడు. దర్శకత్వ విభాగంతో పాటు ఎడిటింగ్‌పైనా శ్రద్ధ పెట్టి నేర్చుకున్నాడు.[3] అనిల్ పనితీరు నచ్చడంతో బాపు తన వంశవృక్షం (1980) సినిమాతో ఎడిటర్‌గా పనిచేసేందుకు తొలి అవకాశం ఇచ్చాడు. ఆపై తెలుగు, తమిళ, ఒడియా, హిందీ వంటి 9 భాషల్లో 200 పైచిలుకు సినిమాలకు ఎడిటింగ్ చేశాడు.[4] ఇన్ని భాషల్లో ఎడిటర్‌గా పనిచేసిన అతికొద్దిమందిలో ఒకరిగా పేరొందాడు.[3] బాపు దర్శకత్వంలోనే 22 సినిమాలకు ఎడిటర్‌గా పనిచేశాడు. ఆ తర్వాత వంశీ సినిమా సితారతో ప్రారంభించి అతని సినిమాలకూ వరుసగా ఎడిటింగ్ చేయసాగాడు. గీతా కృష్ణ, కె. రాఘవేంద్రరావు వంటి ఇతర దర్శకులకు కూడా పనిచేశాడు.[3]

1984లో సితార సినిమా ఎడిటింగ్‌కు గాను జాతీయ చలనచిత్ర పురస్కారాల్లో ఉత్తమ ఎడిటర్‌గా పురస్కారం అందుకున్నాడు.[5] పలు నంది అవార్డులూ అందుకున్నాడు.[3] లేడీస్ టైలర్ సినిమాని కన్నడలో డబ్బింగ్ చేసి విడుదల చేశాడు. సినిమా ఫ్లాప్‌ అయింది.[6] దత్తాత్రేయ అన్న పేరు చెన్నైలోని తమిళ సినిమా పరిశ్రమలో ఎవరికీ సరిగా తన పేరు ఉచ్చరించకలేక పోవడంతో అనిల్ అన్న పేరు ఖాయం చేసుకున్నాడు, వెనుక తన ఊరి పేరైన మల్నాడ్ చేర్చుకున్నాడు.[3]

అనిల్ మల్నాడ్ తన కుటుంబంతో చెన్నైలోని క్రోమ్‌పేటలో జీవించాడు. 2018 మార్చి 19న చెన్నైలోని ప్రైవేటు ఆసుపత్రిలో గుండెపోటుతో మరణించాడు.[4]

సంక్షిప్త ఫిల్మోగ్రఫీ

బయటి లింకులు

మూలాలు

  1. "ఆర్కైవ్ నకలు". Archived from the original on 2018-03-21. Retrieved 2020-06-14.
  2. "ఆర్కైవ్ నకలు". Archived from the original on 2020-06-14. Retrieved 2020-06-14.
  3. 3.0 3.1 3.2 3.3 3.4 "సీనియర్‌ ఎడిటర్‌ అనిల్‌ మల్నాడ్‌ ఇకలేరు". Sakshi. 2018-03-20. Retrieved 2020-06-14.
  4. 4.0 4.1 "'సితార' చిత్రంతో జాతీయ అవార్డు పొందిన ఎడిటర్ అనిల్ మల్నాడ్ ఇక లేరు!." ap7am.com. Archived from the original on 2020-06-14. Retrieved 2020-06-14.
  5. Narasimham, M. L. (2017-10-02). "Kinnerasani: Lyrical and melodious treat". The Hindu (in English). ISSN 0971-751X. Retrieved 2020-06-14.
  6. editor, tc (2016-12-03). "30 Years of Ladies Tailor". telugucinema.com (in English). Archived from the original on 2020-02-06. Retrieved 2020-06-14.CS1 maint: extra text: authors list (link)
  7. admin (2015-10-27). "Anveshana (1985) - A Retrospective". telugucinema.com (in English). Archived from the original on 2020-06-14. Retrieved 2020-06-14.